მაიკლ კინი იმედოვნებს, რომ ლონდონის "ჩელსისთან" ლიგის თასზე გამართულ შეხვედრაში კვლავ მიეცემა პირველ გუნდში თამაშის შანსი. 19 წლის მცველმა საკმაოდ კარგად წარმოაჩინა თავისი შესაძლებლობები ამავე ტურნირის წინა ტურში "ნიუკასლის" წინააღმდეგ გამართულ შეხვედრაში. MUTV-სთან ექსკლუზიურ ინტერვიუში ახალგაზრდა მცველი გამოტყდა, რომ "ყვავებთან" თამაშის შემდეგ ბევრი რამ ისწავლა.

"როდესაც შენ გაცილებით მაღალი დონის თამაშზე გამოდიხარ, ძალიან დიდი წნეხის ქვეშ იმყოფები, - აღნიშნა კინმა. "ქულებისთვს ბრძოლით და იმ მატჩებში ასპარზობით, რომლებიც მართლაც რომ მნიშვნელოვანია შენ გაცილებით მეტ გამოცდილებას იძენ, ვიდრე ჩვეულებრივი ამხანაგური მატჩების დროს. როდესაც შენ ძირითად შემადგენლობაში ხვდები, ძალიან გინდა გაიმარჯვო და ქულები დააგროვო. "ნიუკასლთან" თამაშის შემდეგ მე გავძლიერდი. მე ასე არასდროს დავღლილვარ, არც გონებრივად და არც ფიზიკურად. ეს 90 წუთი ძალიან დამღლელი და რთჺლი იყო, მაგრამ ჩვენ გამარჯვების მოპოვება მაინც შევძელით.

"აშკარაა, რომ "ოლდ ტრაფორდზე" თამაშს მეტი ენერგია და ძალა სჭირდება, ხოლო რაც შეეხება გონებრივ დავირთვას, გაცილებით გამოცდილი მოთამაშეების წინააღმდეგ თამაშისას მთლინად მატჩზე უნდა იყო კონცენტრირებული. ამას დიდი ძალისხმევის გაწევა სჭირდება, მაგრამ 90 წუთი დაუღალავი შრომის შემდეგ დადებითი შედეგი გარანტირებული გაქვს.

"შოლა ამეობიმ პრემიერ ლიგაში უკვე ოთხი წელი გაატარა, ამიტომ შენ ხვდები, რომ თუ მის წინააღმდეგ თამაშს განდობენ, შენ ინგლისის პირველობისთვის უკვე საკმარისად კარგი ხარ. ეს ჩემთვის დიდი გამოწვევაა. ოთხივე მცველმა ნორმალურად გავართვით თავი დაკისრებულ დავალებას."

გასული წლის გუნდის საუკეთესო ახალგაზრდა ფეხბურთელი ამ სეზონზე უკვე რამდენჯერმე მოხვდა "იუნაიტედის" ძირითად შემადგენლობაში და სერ ალექსს უდავოთ კარგად დაამახსოვრდა.

"მე ყოველ დღე ვვარჯიშობ, - აღნიშნა კინმა. "მე შეუპოვრად ვმუშაობ, ასე რომ ყველაფერი კარგად მიდის. წინასასეზონო ტურნეში მონაწილეობა და ძირითად შემადგენლობაში თამაში გაძლევს წარმოდგენას იმის შესახებ, თუ რას ნიშნავს ძირითადში თამაში და შენი შესაძლებლობების გაუმჯობესებისკენ გიბიძგებს. მე მესმის, რომ კონკურენციის გამო მხოლოდ ერთი-ორჯერ მომიწევს ძირითად შემადგენლობაში თამაში, მაგრამ ყველანაირად ვცდილობ არ ვიფიქრო ამაზე. მე უბრალოდ ყოველ დღე შეუპოვრად უნდა ვივარჯიშო და ვიშრომო, რათა დავამტკიცო, რომ საკმარისად კარგი მოთამაშე ვარ, და ვინ იცის, იქნებ ძირითადში თამაშის საშუალებაც კი მომეცეს.

"გასულ წელს ბევრი რამ მოხდა და მე დიდი გამოცდილება მივიღე. მე ვაგრძელებ გამოცდილების მიღებას, და ვიმედოვნებ, რომ პროგრესირებას არ შევწყვეტ, რაც მე ინგლისის ნაკრებსა და "იუნაიტედის" პირველ გუნდში თამაშჲს მეტ შანსს მომცემს."

წყარო: manutd.ru