"იუნაიტედის" ნახევარცველი ადნან იანუზაი მოხვდა ძალიან პრესტიჟული პრიზის European Golden Boy-ს კანდიდატთა სიაში, რომელიც ყველაზე პერსპექტიულ ახალგაზრდა ფეხბურთელს გადეცემა.

პრემია დააფუძნა იტალიურმა გამოცემამ Tuttosport-მა 2003 წელს, ამ დროისთვის გამარჯვებულ ავლენენ ევროპის წამყვანი გამოცემები, მათ შორისაა l'Équipe, Marca, A Bola, Bild, The Times, De Telegraaf, Mundo Deportivo, France Football და Спорт-Экспресс.

"მანჩესტერ იუნაიტედის" ორმა ფეხბურთელმა მოახერხა ამ პრიზის მიღება. 2004 წელს პრემია მიიღო უეინ რუნიმ, ხოლო 2008 წელს პრიზის მფლობელი გახდა ანდერსონი.

პრიზისთვის ნომინირებულია 40 ახალგაზრდა ფეხბურთელი. ადნან იანუზაისთან ერთად ამ პრიზისთვი იბრძვიან "რეალ მადრიდის" ამომავალი ვარსკვლავები რაფაელ ვარანი და ხესე, დრაქსლერი რომელიც ამჟამად "შალკეს" ღირსებას იცავს, "ჩელსის" ახალგაზრდა ფეხბურთელი ლუკაკუ, რომელიც "ევერტონშია" განათხოვრებული, "სიტის" მცველი მატია ნასტასიჩი, "არსენალის" გარემარბი ალექს ოქსლეიდ-ჩემბერლინი და "იუვენტუსის" ერთ-ერთი წამყვანი ფეხბურთელი პოლ პოგბა.