ნიკ პაუელი არენდით იმყოფება "უიგანში", სადაც შესანიშნავად ასპარეზობს და გუნდის ერთ-ერთი ლიდერიც გახდა. 19 წლის ნახევარმცველმა თავისი გუნდი წაგებისგან იხსნა "რუბინ კაზანთან" მატჩში. ამ მომენტისთვის პაუელს სამი გოლი აქვს ევროპაში გატანილი და ერთი გოლი "ჩემპიონშიფის" მატჩში.

ახალგაზრდა ნახევარმცველი იმედოვნებს, რომ არენდაზე წარმატებული გამოსვლა დაეხმარება მას "მანჩესტერ იუნაიტედის" შემადგენლობაში მოსახვედრად.

"ჯერ ადრეა ჩემი "უიგანში" გატარებული დროის შეფასება, ზოგი თამაში ჩემთვის კარგი გამოდგა, ზოგი უიღბლო, ზოგი საშუალო. მე ვცდილობ დავუბრუნდე ძველ ფორმას, ამიტომ უკეთესად უნდა ვითამაშო." ციტირებს პაუელის სიტყვებს Sky Sports.

"მე აქ მოვედი სათამაშო დროის მისაღებად და მოხარული ვარ, რომ ამას ვღებულობ და მთელი ძალებით ვეხმარები გუნდს. ისე გამოვიდა, რომ მე მეტს ვიტან ევროპაში და არა ლიგაზე. ეს უნდა გამოვასწორო, უფრო ხშირად უნდა გავიტანო "ჩემპიონშიფში", რადგან გუნდს სჭირდება ქულები."

"გარდა ამისა, ევროპული გამოცდილება ძალიან დამეხმარება, რადგან "იუნაიტედი" ყოველთვის თამაშობს ევროპაში. ვიმედოვნებ რომ, როცა "ოლდ ტრაფორდზე" დავბრუნდები, ვითამაშებ ევროპულ ტურნირებზე ძირითად შემადგენლობაში. ყველა ფეხბურთელს სურს ითამაშოს ევროპაში, არ აქვს მნიშვნელობა ეს იქნება "ჩემპიონთა ლიგა" თუ "ევროპის ლიგა".