"იუვენტუსის" ახალწვეულმა კარლოს ტევეზმა ნემანია ვიდიჩს მოუწოდა, რომ დატოვოს "მანჩესტერ იუნაიტედი" და შეუერთდეს იტალიურ კლუბს,- წერს the Metro. ზემოთ ხსენებული ფეხბურთელები ერთად 2007-09 წლებში თამაშობდნენ. მათ "ეშმაკებთან" ერთად პრემიერ ლიგა, ჩემპიონთა ლიგა და მსოფლიოს საკლუბო ჩემპიონატი მოიგეს.
ნემანია ვიდიჩს "წითელ ეშმაკებთან" კონტრაქტი 2014 წლის ზაფხულს უმთავრდება, სწორედ ამიტომ მოუწოდებს ტევეზი სერბს გადაბარგდეს "ბებერ ქალბატონში". სერბი ცენტრალური მცველით ასევე ინტერესდებიან "რომა" და "მილანი". მაგრამ, თუკი გაზეთებს დავუჯერებთ, ნემანია "იუვენტუსს" აირჩევს. "ნემანია შესაძლოა "იუვენტუსს შეუერთდეს. იგი სწორედ იტალიური ფეხბურთისთვისაა შექმნილი. ვიდიჩი ფიზიკურად ძლიერი და კარგი მცველია. მე მასთან ერთად "იუნაიტედში" ვითამაშე, ასევე მაშინ როდესაც "სიტიში" გადავბარგდი"._განაცხადა ტევეზმა.