მანჩესტერ იუნაიტედის ახალგაზრდა ფეხბურთელმა, ადნან იანუზაიმ, რომელსაც სეზონის ბოლოს თავისუფალი აგენტის სტატუსი მიენიჭება, ბევრი ევროპული კლუბის ყურადღება მიიპყრო. ადნან იანუზაი იუნაიტედის რეზერვისტებში ასპარეზობდა, ის მხოლოდ 18წლის არის. პირველად მან სერ ალექს ფერგიუსონის მწვრთნელობის დროს ითამაშა, ასევე იანუზაიმ წინასასეზონო ტურნეზეც მიიღო მონაწილეობა.

როგორც "ESPN" და "Daily Mail" იუწყებიან, ადნან იანუზაით, იუვენტუსი, ბაიერნი, რეალი და ბარსელონა ინტერესდებიან.

კატალონიური კლუბის ელმძღვანელები დარწმუნებულნი არიან, რომ იანუზაი კონტრაქტს არ განაახლებს იუნაიტედში და მომავალ ზაფხულს მათ კლუბს შეუერთდება.

მანჩესტერ იუნაიტედის ხელმძღვანელობას და ადნანას შორის მოლაპარაკებები უახლოეს მომავალში დაიწყება. წითლები მზად არიან ახალი, გრძელვადიანი ხელშეკრულება გაუფორმონ იანუზაის, 2018წლამდე.

წყარო: Daily Mail