გუშინ გამართულ შეხვედარაში ლუიშ ნანი პირველად მოხვდა სასტარტო შემადგენლობაში. იგი მთელი მატჩის განმავლობაში გამოირჩეოიდა აქტიურებით და რამდენიმე სახიფათო ჩაწოდებაც შემოგვთავაზა საჯარიმოში. იგი აანალიზებს რომ ადვილად ვერაფერს მიაღწევ და მის თანაგუნდელებისგან მაქსიმუმს ელის, რათა ტიტულის დაცვა მოახერხოს "იუნაიტედმა".

"პირველი ტაიმის განმავლობაში ჩვენ ვფლობდით ბურთს, მაგრამ გოლის გატანა ვერ მოვახერხეთ. მეორე ტაიმში კი, როდესაც რუნიმ ანგარიში გაათანაბრა, ვიფიქრე რომ გუნდი უკეთ ათამაშდებოდა, თუმცა მეტოქემ თავისი შანსი კიდევ ერთხელ გამოიყენა და მორიგი გოლი გაგვიტანა." აცხადებს ნანი SkySport-თან ინტერვიუში.

"ჩვენ ძლიერი გუნდი გვყავს, ძლიერი ფეხბურთელებით და დარწმუნებული ვარ რომ ყველაფერი მალე ჩადგება წესრიგში. "იუნაიტედს" არ შეშვენის ასეთი თამაში, მაგრამ ხანდახან ასეც ხდება. ჩვენ უბრალოდ მეტად უნდა შევეცადოთ მოგებას და იმედი მაქვს რომ ეს შემდეგ მატჩში მოხდება."

"ვესტ ბრომვიჩთან" ჩატარებულმა მატჩმა გვიჩვენა რომ "იუნატედს" ასე ცუდად სეზონი არ დაუწყია 1986 წლის შემდეგ. გაცნობებთ იმასაც რომ "ეშმაკუნებმა" 35 წლის შემდეგ პირველად დათმეს ზემოთ ხსენებულ მეტოქესთან.

"ჩვენ ასეთ სიტუაციაში აქამდეც ვყოფილვართ და ვიცით როგორ მოვახერხოთ ყველაფრის უკეთ წარმართვა. ყველაფერი მძიმე მუშაობას მოითხოვს, გულშემატკივრებს მოთმინებისკენ მოვუწოდებ და შემდეგი მატჩისათვის ჩვენ ვეცდებით საუკეთესო თამაში ვაჩვენოთ" - დაასრულა ნანიმ.

წყარო: SkySports