მარუან ფელაინის დამატების მიუხედავად, "მანჩესტერ იუნაიტედის" მთავარი მწვრთნელი დევიდ მოიესი გუნდის გაძლიერებას ფიზიკური ძალის სახით კიდევ გეგმავს. შოტლანდიელი სპეციალსიტის მორიგი სამიზნე "ასტონ ვილას" თავდამსხმელი კრისტიან ბენტეკეა.

როგორც გამოცემა Daily Mirror გვამცნობს, მოიესი პირადად დაესწრო ბელგიის ნაკრების მატჩს, რომ ბენტეკეს თამაში ენახა. როდესაც სატრანსფერო ფანჯარა ისევ გაიღება, დევიდ მოიესი ეცდება ბელგიელ თავდამსხმელს კონტრაქტი შესთავაზოს.

შეგახსენებთ, რომ მიმდინარე ზაფხულში, ბენტეკეს კლუბის დატოვება სურდა და მან ტრანსფერზე დაყენებაც მოითხოვა. ბელგიელმა მისდა სამწუხაროდ კარგი შეთავაზებები ვერ მიიღო ტოპ-კლუბებიდან, ასე რომ ის კიდევ დარჩა "ვილაში", მაგრამ მას ხელფასი 60 ათასი ფუნტი გაუხადეს კვირაში.

შეგახსენებთ, რომ თუ მოიესი ბენტეკეს იანვარში იყიდის, მას შეეძლება ბელგიელის ევრო ტურნირებზეც გამოყენება.

წყარო:http://fapl.ru