მანჩესტერ იუნაიტედმა შესაძლოა საბოლოოდ მოაგვაროს მარუან ფელაინის ტრანსფერი,რადგან ევერტონის ხელმძღვანელობამ,იუნაიტედს განუცხადა,რომ თუ ფელაინის ყიდვა გსურთ,მაშინ ჯესი ლინგარდი იჯარის წესით ჩვენთან გამოუშვითო.

ევერტონის მთავარ მწვრთნელს, რობერტო მარტინესს სურს,რომ ჯესი ლინგარდი გახადოს ამ ტრანსფერის მონაწილე.სავარაუდოდ დევიდ მოიესი საბოლოო გადაწყვეტილებას მიიღებს ლივერპულთან გასამართი მატჩის შემდგომ.

გუშინ ფელაინმა ითამაშა ევერტონის მაისურით კარდიფთან მატჩში,მაგრამ თვითონ ბელგიელი უკვე მზადაა დატოვოს კლუბი.ასევე არ არის გამორიცხული,რომ თვითონ მარტინესიც შეეგუოს ამ ფაქტს და მარუანის წასვლასაც ხელი არ შეუშალოს.

ფელაინის გარდა იუნაიტედს 5 ნახევარმცველი სურდა,მაგრამ ახლა უკვე მხოლოდ და მხოლოდ მარუანი ჰყავთ თვალთახედვის არეში.

მოიესი მზად იყო დორტმუნდის ბორუსიას ნახევარმცველ ილკაი გუნდოგანში გადაეხადა £35 მილიონი,მაგრამ თვითონ გერმანელებმა არ ისურვეს მიეყიდათ იუნაიტედისთვის კიდევ ერთი წამყვანი ფეხბურთელი.

შემდეგ მოიესი მადრიდის რეალის ნახევარმცველს ლუკა მოდრიჩს მიადგა,რადგან მადრიდელებმა გარეტ ბეილს დაადგეს თვალი,მაგრამ ეს ტრანსფერიც ჩაიშალა.

ამის შემდეგ კი მოიესმა ბილბაო ატლეტიკის ნახევარმცველ ერერაში £25 მილიონის გადახდა გადაწყვიტა,მაგრამ ბილბაოს ხელმძღვანელობამ ეს ტრანსფერი იუარა,შემდეგ მოიესმა ფასი გაზარდა და ამჯერად £31 მილიონი შესთავაზა,მაგრამ ამაზეც უარი განაცხადეს.

ამის შემდეგ კი მოიესი ისევ ფელაინს მიუბრუნდა,მაგრამ დევიდს ევერტონიდან მარტო ფელაინის გადმოყვანა არ სურს,მას უნდა,რომ ფელაინი და ბეინსი ერთად იყიდოს.
დღეს გავრცელდა ინფორმაცია,რომ ბეინსიც თანახმაა გადავიდეს იუნაიტედში და მეტიც ევერტონის მთავარ მწვრთნელს სთხოვა,რომ იუნაიტედში გაუშვას.

ამ ყველაფრის გათვალისწინებით კი მარტინესი ფიქრობს,რომ ამ ფეხბურთელებს უკვე ვეღარ გააჩერებს ევერტონში და ალბათ ამიტომაც მოითხოვა ჯესი ლინგარდის ამ ტრანსფერში ჩართვა.

წყარო:mirror.co.uk