დევნა "იუნაიტედისა" სესკ ფაბრეგასზე უნდა შეწყდეს და მხარეები საბოლოოდ შეთანხმდნენ. მოიესი კვლავ აგრძელებს ესპანელისთვის ბრძოლას, რომელიც დიდი ნიჭის მქონეა. მიუხედავად 2 უარყოფითი პასუხისა, შოტლანდიელი სპეციალისტი ჯიუტად ცდილობს ესპანელის გადმოყვანას.
ბენ სმიტი "BBC" -დან საუბრობს ამ ტრანსფერზე. მისი აზრით "იუნაიტედი" ვერ შეიძენს ფაბრეგასს. მზადდება 3-ე შეთავაზება, რომელიც უფრო მეტი იქნება, ვიდრე დიმიტარ ბერბატოვის ფასი, მაშინ როდესაც "იუნაიტედმა" რეკორდულ თანხად, 30.75 მილიონ ფუნტ სტერლინგად შეიძინა ბულგარელი.
"იუნაიტედს სურს სესკი?", ხერარდ მარტინოს დაუსვეს კითხვა. მან კი ასეთი პასუხი გასცა: "ჩვენ 2-ჯერ უარით გავისტუმრეთ "იუნაიტედი", მესამედაც იგივე მოხდება."
აქვე ცნობილია, რომ არც თავად ესპანელის გეგმებშია პრემიერ ლიგაში დაბრუნება.
თავის დროზე ტიტო ვილანოვამაც გააკეთა კომენტარი: "მე ვესაუბრე სესკს და მას დარჩენა სურს. მან იცის, რომ საუკეთესო გუნდშია და არის დიდი კონკურენცია, რაც მას აძლევს შესაძლებლობას, თავისი მაქსიმუმი გამოავლინოს."
იგრძნობა, რომ მოიესი აუცილებლად შეეცდება ფაბრეგასის ყიდვას. მაგრამ გაურკვეველია, რამდენად დათანახმდება "ბარსელონა" ამ ტრანსფერს. ტიაგომ რამდენიმე კვირის წინ დატოვა კლუბი, ამიტომაც ისინი აღარ გაუშვებენ სხვა ვარსკვლავს ხელიდან.
ფაბრეგასი წინა სეზონში 32-ჯერ გამოჩნდა ძირითადში, მის ანგარიშზე კი 11 გოლი და 13 ასისტია. მხოლოდ მესიმ აჯობა ფაბრეგასს წინა სეზონში, "ბარსას" რიგებიდან. ჩანს, რომ ფაბრეგასი არ დატოვებს კლუბს, რა შეთავაზებაც არ უნდა იყოს. ის არის ძალიან კარგი პასის მიმწოდებელი და არანაკლებ გოლის გამტანი.
მოიესს შეუძლია გადააგდოს ფული "ბარსაში", მაგრამ სანაცვლოდ ფაბრეგასს ვერ მიიღებს. გუნდს არ სურს მისი გაშვება და თავად ფეხბურთელიც კმაყოფილია კატალონიური კლუბით. მოიესმა კი უნდა დაისვენოს და აღარ იწვალოს შეთავაზებაზე.

წყარო: "Bleacherreport"