"მანჩესტერ იუნაიტედი" არ კარგავს იმედს, "ბარსელონას" ნახევარმცველის სესკ ფაბრეგასის შეძენაში და ახლა "წითელი ეშმაკუნები" უკვე მესამე შეთავაზების გაკეთებას აპირებენ, - გვამცნობს Manchester Evening News.

ივლისის დასაწყისში "იუნაიტედმა" ორჯერ მიიღო უარი, მათ კატალონიელებს ჯერ 26 მილიონი შეთავაზეს, შემდეგ კი 30 მილიონი ფუნტი. "ეშმაკუნები" გაჩერებას არ აპირებენ და კლუბის რეკორდის გაუმჯობესებას აპირებენ გადახდილ თანხაში. შეგახსენებთ, რომ კლუბს ყველაზე მეტი თანხა გადახდილი აქვს 2008 წელს 30.8 მილიონი ფუნტი დიმიტარ ბერბატოვის სანაცვლოდ, რომელიც "ტოტენჰემიდან" შეიძინეს. ახლა კი "იუნაიტედი" 35 მილიონიან კონტრაქტს ამზადებს.

ფაბრეგას საჯაროდ არ უსაუბრია საკუთარ მომავალზე, მაგრამ "იუნაიტედი" დარწმუნებულია, რომ სესკი "ოლდ ტრაფორდზე" გადავა.

"ბარსელონას" გულშემატკივრებს ნამდვილად არ სურთ ფაბრეგასის კლუბიდან გაშვება, მაგრამ 35 მილიონი ფუნტი საკმაოდ დიდი თანახაა, თუ გავითვალისწინებთ იმას, რომ კატალონიელებმა სესკი 25 მილიონ ფუნტად შეიძინეს. შეგახსენებთ, რომ სესკ ფაბრეგასი "არსენალიდან" "ბარსელონაში" სულ რაღაც ერთი წლის წინ გადავიდა და ახლა ეპანელებს შანსი აქვთ ფული სწრაფად დააგროვონ ამ ტრანსფერით.

წყარო:http://fapl.ru