"მანჩესტერ იუნაიტედი" მზად არის "მადრიდის რეალს" 25 მილიონი ფუნტი შესთავაზონ ლუკა მოდრიჩის სანაცვლოდ, - გვამცნობს ავტორიტეტული გამოცემა The Times.

მიმდინარე ზაფხულში, "წითელი ეშმაკუნების" მწვრთნელი მთელი ძალით ცდილობს ხმაურიანი ტრანსფერის განხორციელებას, რათა დაამტკიცოს საკუთარი და გუნდის ამბიციები.

"იუნაიტედი" ინტერესდებოდა კრისტიანო რონალდოთი, სესკ ფაბრეგასით და გარეტ ბეილით, მაგრამ ყველა ამ სამ ფრონტზე ინგლისურმა კლუბმა მიზანს ვერ მიაღწია. ახლა კი დევიდ მოიესი სხვა ფეხბურთელზე გადაერთო.

ახლა "იუნაიტედის" მთავარი მწვრთნელი შეეცდება მოდრიჩის შეძენას, რომელიც სულ რაღაც ერთი წლის წინ "ტოტენჰემის" ღირსებას იცავდა. ესპანეთში გადასვლის შემდეგ, ლუკამ ჯერ კიდევ ვერ შეძლო სასტარტო შემადგენლობაში ადგილის დამკვიდრება და შესაძლოა მას ისევ სურდეს პრემიერ-ლიგაში დაბრუნება.

წყარო:http://fapl.ru