ბრიტანული გამოცემა The Times წერს, რომ გლეიზერებმა დევიდ მოიესს ტრანსფერის გასაკეთებლად 100 მილიონი ფუნტი გამოუყვეს. შოტლანდიელმა მწვრთვნელმა პირობა დადო, რომ "მანჩესტერ იუნაიტედის" წარმატებაში დიდ წვლილს შეიტანს.
როგორც ცნობილია დევიდ მოიესი დიდ წნეხს გრძნობს, მიზეზი კი სერ ალექსის შეცვლაა. თუმცა გლეიზერები მზად არიან შოტლანდილს მხარში ამოუდგნენ და ბეილის უყიდონ. გუშინ ცნობილი გახდა, რომ "მანჩესტერ იუნაიტედმა" ფაბრეგასისადმი მეორე შეთავაზება გააკეთა და ესპანელში 30 მილიონს იხდის.
დევიდ მოიესმა განაცხადა, რომ ზაფხულის სატრანსფერო ფანჯრის დასრულებამდე მინიმუმ 2 ფეხბურთელს კიდევ შეიძენს. "შეიძლება ბევრი ფეხბურთელი ვიყიდოთ, შეიძლება ცოტაც.- ეს იმაზეა დამოკიდებული თუ როგორ განვითარდება მოვლენები. ეს უნდა იყოს ახალი ერა. მე ვმუშაობ იმისთვის, რომ "მანჩესტერის" ისტორიაში შევიდე".