"მანჩესტერ იუნაიტედის" ახალმა მწვრთვნელმა დევიდ მოიესმა აღიარა, რომ სატრანსფერო ფანჯარაზე ნომერ პირველი მიზანი ნახევარმცველის შეძენა იქნება.

შოტლანდიელმა ა–ლიგის ვარსკვლავებთან მატჩამდე განაცხადა: "როდესაც მე სამუშაოში ჩავერთე, დავიწყე იმაზე ფიქრი თუ როგორ გამეძლიერებინა გუნდი. ნახევარმცველი, ეს ის პოზიციაა რომლის შეძენასაც ვგეგმავთ და გუნდსაც გააძლიერებს".

"საუკეთესო ფეხბურთელების გაფორმება არც ისე ადვილია. ჩვენ ვცდილობთ შევიძინოთ ისეთი მოთამაშე, რომელიც გუნდს გააძლიერებს და წარმატებაში დაგვეხმარება. სწორედ ამიტომ ვცდილობთ საუკეთესოთა შორის საუკეთესოს ყიდვას".

"თუ ხარ ფეხბურთელი, შენი შეძენა "მანჩესტერ იუნაიტედს" სურს, უყურებ "ოლდ ტრაფორდს", გაქვს ამბიცია იყო ერთ–ერთი საუკეთესო მოთამაშე, ამ შემთხვევაში ვფიქრობ "მანჩესტერ იუნაიტედს" უნდა შეუერთდე".