ცოტა წინ გავრცელდა ინფორმაცია, რომ "იუნაიტედი" "ბარსელონას" 26 მილიონ ფუნტს თავაზობდა, ფაბრეგასის სანაცვლოდ. მალევე გახდა ისიც ცნობილი, რომ "ბასელონამ" ინგლისელებს უარი უთხრა.

"ფეხბურთელი ტრანსფერებზე მიუწვდომელია!" - განაცხადა კატალონიელების ოფიციალურმა წარმომადგენელმა Press Association-თან.

"ბარსელონას" უარი სავსებით გასაგებია, რადგან თვითონ კლუბმა ფეხბურთელი სულ რაღაც 2 წლის წინ თითქმის იმავე თანხაში 25 მილიონ ფუნტში შეიძინა. რათქმაუნდა ფეხბურთელის დაბრუნება "არსენალსაც" სურს, ხოლო თუ ესპანელი ნახევარმცველი ინგლისში გადაწყვეტს დაბრუნებას, ეს მისი გადასაწყვეტი იქნება, თუ რომელ კლუბს შეუერთდეს.

როგორც The Guardian გვამცნობს, "ბარსას" უარის მიუხედავად სესკის "იუნაიტედში" გადასვლა სავსებით შესაძლებელია, თუ ამას თვითონ ფეხბურთელი მოინდომებს. ეს შეასძლოა მოხდეს ტიტო ვილანოვასა და მისი საუბრის შემდეგ. გავრცელდა ხმები, რომ "არსენალის" ექს-კაპიტანი ტიტო ვილანოვას გეგმებში არ შედის.

უნდა აღინიშნოს ისიც, რომ "იუნაიტედი" არამარტო ფაბრეგასის ყიდვას ცდილობს. ახლა მოიესი ცდილობს თავისი ყოფილი შეგირდის შეძენას "ევერტონიდან". ფელაინი, რომელიც ნახევარმცველია კლუბმა 23 მილიონ ფუნტად შეაფასა.

თუ მოიესი ფაბრეგასს და ფელაინის შეიძენს, "იუნაიტედის" ცენტრი საგრძნობლად გაძლიერდება. ესპანელი გუნდს ტექნიკურობას და კრეატიულობას შეჰმატებს, ხოლო ბელგიელი სიხისტეს.

წყარო:http://fapl.ru