"მანჩესტერ იუნაიტედის" მწვრთვნელმა დევიდ მოიესმა ახალი ცენტრალური ნახევარმცველის მოძიება დაიწყო. შეგახსენებთ, რომ "ეშმაკებს" ტიაგო ალკანტარას გაფორმება სურდათ, თუმცა ესპანელმა გუარდიოლას "ბაიერნი" აირჩია. ახლა მოიესს 2 ვარიანტი დარჩა, ერთის გაფორმება ძვირი და რთულია, მეორესი კი შედარებით მარტივი და იაფი.
"მანჩესტერ იუნაიტედის" ბოსი კანდრევას ვარიანტს განიხილავს. 26 წლის ნახევარმცველი "ლაციოში" გამოდის, ასევე წარმატებით ასპარეზობს იტალიის ეროვნულ ნაკრებში. "ეშმაკების" სკაუტები კონფედერაციის თასზე იმყოფებოდნენ, სადაც ანტონიოს თამაში ნახეს და კმაყოფილებიც დარჩნენ.
თუმცა, დევიდ მოიესს "რეალის" ვარსკვლავის ლუკა მოდრიჩის შეძენა სურს. როგორც ჟურნალები წერენ, "მანჩესტერ იუნაიტედი" მზადაა ლუკას სანაცვლოდ ნებისმიერი თანხა გადაიხადონ, ოღონდ არა არარეალური. მთავარი პრობლემა იმაში მდგომარებოს, რომ კარლო ანჩელოტის ხორვატის გაყიდვა არ სურს. მიუხედავად ყველაფრისა მთავარი სიტყვა მაინც ლუკა მოდრიჩზე იქნება. იგი გადაწყვეტს, გააგრძელებს თუ არა კარიერას ესპანეთში.