8-07-2013, 15:59

ავტორი: washington,

ნანახია: 2974,

კომენტარები: 15

გავიგოთ მეტი რამ საფეხბურთო სამყაროში

დღის სიახლეები...

"მანჩესტერის" გეგმა "ბ".

8/7/13: "მანჩესტერ იუნაიტედი" "გრანადას" დამცველის, გილერმო სიქუეირას ტრანსფერს განიხილავს, სადაც აღწერილია ბრაზილიელი, როგორც მანკუნიანელებისთვის გეგმა "ბ". მოგეხსენებათ, დევიდ მოიესი ლეიტონ ბეინსის გადაბირებას აპირებს, მაგრამ თუ ეს ტრანსფერი არ განხორციელდა, მაშინ მისი მიზანი სიქუეირას შეძენა იქნება. თურმე "წითლების" სკაუტ კარლოს რუისზე დიდი შთაბეჭდილება მოუხდენია "გრანადას" დამცველს, რომელმაც უმალ შეატყობინა "მანჩესტერის" შეფებს.

გადაწყდა: ლევანდოვსკი მომავალ ზაფხულს "ბაიერნს" შეუერთება

8/7/13: "დორტმუნდის" მთავარმა მწვრთნელმა, - იურგენ კლოპმა დაადასტურა, რომ რობერტ ლევანდოვსკი მიუნხენის "ბაიერნს" შეუერთდება, ოღონდ მომავალ ზაფხულს. "მე ვფიქრობ, რომ რობერტ ლევანდოვსკის "ბაიერნში" გადასვლა ცნობილი ფაქტია. ის მომავალ ზაფხულს შეუერთდება მიუნხენელებს, მანამდე კი პოლონელი თავდამსხმელი ერთი სეზონით კვლავ ჩვენთან იქნება".

კატალონიელების მიზანი, - ტიაგოსა და ვილიას გაყიდვა და უეინის ყიდვა!...

ესპანური პრესა ავრცელებს ინფორმაციას, რომ კატალონიის "ბარსელონა" ტიაგო ალკანტარასა და დავიდ ვილიას 26 მილიონ ევროდ გაყიდვას აპირებს, რათა 30 მილიონ ევროდ "მანჩესტერ იუნაიტედის" თავდამსხმელი, - უეინ რუნი შეიძინონ. თუმცა "მანჩესტერის" ახალმა მთავარმა მწვრთნელმა, დევიდ მოიესმა კატეგორიულად უარყო ინგლისელი თავდამსხმელის გუნდიდან წასვლა და გულშემატკივრებს პირობა მისცა, რომ "შრეკი" "იუნაიტედში" დარჩება.

"იუვენტუსი" ვიდალს ახალ კონტრაქტს სთავაზობს

"იუვენტუსის" ხელმძღვანელებს თურმე ძალიან ეძვირფასება და ეიმედებათ თავისი ჩილელი ნახევარმცველი არტურო ვიდალის. მოგეხსენებათ არტუროს მიყიდვას "მანჩესტერ იუნაიტედი", მადრიდის "რეალი", მიუხენის "ბაიერნი" და "პარი სენ ჟერმენი" სთხოვდნენ, მაგრამ ტურინელებმა მას ახალ ხუთწლიანი კონტრაქტი შესთავაზა, ფეხბურთელი დაფიქრდება ყველაფერს აწონ-დაწონის და ალბათ იტალიელების წინადადებას დათანხმდება.

სასაცილო ფაქტი "ბოხუმის" მწვრთნელზე...

"ბოხუმმა" ბაიერ "ლევერკუზენთან" ამგანაგურ მატჩში 2-0 წააგო, მატჩის მსვლელობისას სასაცილო ფაქტი დატრიალდა, "ბოხუმის" მწვრნელ, - პიტერ ნოირურერს და მის თანაშემწე, კრისტიანს თამაშის მსვლელობისას ჩასძინებიათ და რომ გაიღვიძეს გაიხუმრეს: "კიდევ კარგი ჩაგვეძინა და ჩვენი გუნდის მარცხს ვერ ვუყურეთ"...

გუშინ კლარენ ზეედოფრმა ბრაზილიის ჩემპიონატში თავის გუნდ, - "ბოტაფოგოს" გამარჯვება მოაპოვებინა "ფლუმინენსესთან".

"მილანის" განცხადება !!...

მოგეხსენებათ, შარშან კევინით "მანჩესტერ იუნაიტედი" ინტერესდებოდა, გუშინ კი "მილანმა" გამოაცხადა, რომ 15 მილიონი ევრო გადამხადეთ და ჩვენი განელი ნახევარმცველი, კევინ-პრინც ბოატენგი ვისაც გინდათ წაიყვანეთო. მართალია მანკუნიანელების გარდა მისი შეძენა "ჩელსისა" და "მონაკოს" სურდა, მაგრამ ახლა კონკრეტული არაფერი ისმის...

რა მოხდა კიევში?

გუშინ, დინამოს კევმა "სპარტაკს" ანგარიშით 2:1 მოუგო. "სპარტაკის" გულშემატკივრები სტადიონზე მეტად გამომწვევად იქცეოდნენ, შესაბამისად მათ თავს უკრაინელები დაესხნენ და სპეცდანიშნულების რაზმი, რომ არა დიდი უბედურებაც დატრიალდებოდა.