როგორც ცნობილი გახდა მანჩესტერ იუნაიტედი თავის ესპანელ მეკარეს ახალ, გაუმჯობესებულ კონტრაქტს შესთავაზებს. დე ჰეას კარიერა იუნაიტედში არც თუ ისე კარგად დაიწყო, თუმცა ის მაინც გაუმკლავდა მასზე დაკისრებული ვალდებულებებს და იუნაიტედის პირველი ნომერი გახდა. 22 წლის მეკარემ შესანიშნავად გამოავლინა თავისი თავი მეორე სეზონში და დაამტკიცა, რომ გაიარა ადაპტაცია პრემიერ ლიგაში. ამჟამინდელი კონნტრაქტის მიხედვით დე ჰეა კვირაში 55 000 ფუნტს გამოიმუშავებს და მას 2016 წელს გასდის. მიუხედავად ამისა ოლდ ტრაფორდის ხელმძღვანელობა უკვე მზადაა ესპანელს ახალი კონტრაქტი გაუფორმოს, რომელიც 5 წლით დააკავშირებს დე ჰეას კლუბთან და ხელფასი 75 000 ფუნტამდე გაეზრდება. ახალგაზრდა მეკარისთვის ახალი კონტრაქტის შეთავაზება არ გამოუწვევია მხოლოდ მის პროგრესს. როგორც ცნობილია მისით ბარსელონა არის დაინტერესებული და ცდილობს ის კატალონიაში გადაიბიროს. ეს ყველაფერი ეშმაკებმა იმიტომ გადაწყვიტეს, რომ ახალი მეკარის ძიება არ მოუწიოთ. სხვადასხვა წყაროები იტყობინებიან, რომ ბარსელონა სერიოზულად არის დაინტერესებული დე ჰეათი, როგორც ვალდესით შემცველით, ამიტომ როგორც კი ესპანელი დაბრუნდება შვებულებიდან, მაშინვე დაიწყებს კლუბი მასთან მოლაპარაკების წარმოებას.

Fapl.Ru