იუნაიტედის ამჟამინდელმა მარცხენა მცველმა, პატრის ევრამ, შეიძლება დატოვოს ოლდ ტრაფორდი იმ შემთხვევაში, თუ ეშმაკები ლეიტონ ბეინსს გადმოიბირებენ. 32 წლის მცველსარ უნდა იყოს სათადარიგო მცველი და ამიტომ თუ მოიესი შეძლებს ამ ტრანფერის განხორციელებას ის დაფიქრდება კლუბის შეცვლაზე. 5 გზის ინგლისის ჩემპიონი მზადაა განიხილოს თავისი ყოფილი კლუბის, მონაკოს შემოთავაზება და 6 მილიონ ფუნტად შეუერთდეს ფრანგებს. ახალმა მწვრთნელმა უკვე მიმართა თავის ყოფილ კლუბს და 12 მილიონი ფუნტი შესთავაზა ბეინსის სანაცვლოდ, თუმცა გუდისონ პარკის ხელმძღვანელობამ სწრაფადვე უარყო ეს წინადადება, რადგან მათ მარცხენა მცველის სანაცვლოდ 16 მილიონი უნდათ. ევრა, რომელმაც იუნაიტედთან ერთად ჩემპიონთა ლიგაც მოიგო, 7 წლის განმავლობაში იყო პირველი მარცხენა მცველი იუნაიტედში. ის ასევე კაპიტნობდა გუნდს ნემანია ვიდიჩის არყოფნაში.

პატრის ევრა იუნაიტედს 5,5 მილონ ფუნტად შეუერთდა მონაკოდან. ახლაც რამდენმე საფრანგეთის ჩემპიონატის წარმომადგენელი მზადაა თავისკენ გადაიბიორონ 32 წლის მცველი. რაც შეეხება ლეიტონ ბეინსს მას კონტრაქტი ევერტონთან კიდევ ორი წლით აკავშირებს. თუმცა იუნაიტედს აქვს შანსი, რომ თავის რიგებში გადაიყვანონ ინგლისელი მცველი.

წყარო:The Sun