ჯეიმი კარაგერი, რომელიც ცოტახნის წინ გახდა ექსპერტი ტელეკანალ Sky-ზე, მედიას გაუზიარა თავისი მოსაზრებები დევიდ მოიესზე.

" ეს იქნება უცნაური, იუნაიტედი სერ ალექსის გარეშე. მან დიდი დრო გაატარა იუნიატედში, მის გარეშე კი ეს კლუბი წამოუდგენელია. იგი მისაბაძი ადამიანი იყო, დომინანტი ფიგურა ფეხბურთის ისტორიაში. ფერგიუსონი განუყოფელი ნაწილი იყო ფეხბურთის, ამიტომ რთული იქნება იმის აღქმა, რომ იგი კლუბს აღარ გაწვრთნის."

"დევიდ მოიესი დიდი ყურადღების ქვეშ იქნება. იგი შესანიშნავი მწვრთნელი იყო ევერტონის, გუნდის რომელიც გასავარდზონაში იყო და ახლა მაღალი ადგილებისთვის იბრძვის. ყველა დააკვირდება ინტერესით, როგორ მოერგება ახალ გარემოს. ბუნებრივია სხვა კლუბები შეეცდებიან ისარგებლონ ამ გარდამავალი პერიოდით, იუნაიტედს არაერთი მძიმე მატჩი ექნება ჩასატარებელი. წითლებს სეზონის დასაწყისში ლონდონის ჩელსისთან აქვთ თამაში ოლდ ტრაფორდზე. თუ სანახაობის ნახვა გსურთ, სწორედ ამ მატჩს უნდა უყუროთ. როგროც იცით ჩელსისაც ახალი მწვრთნელი ჰყავს, ახალი მიზნებით. "

"გუნდმა, რომელმაც გასული სეზონი ბრწყინვალედ ჩაატარა, მოიპოვა პრემიერლიგის ტიტული, არ მგონია, რომ მან ასე ადვილად დათმოს ტიტული, მეტიც წითლები ჩემპიონობისთვის იბრძოლებენ. მაგრამ იუნაიტედს დიდი კონკურენციას სიტი და ჩელსი გაუწევენ, რომლებსაც დიდი გეგმები აქვთ დასახული. რაც შეეხება არსენალს სეზონის დასაწყისში მათ შეუძლიათ რამდენიმე კარგი ფეხბურთელი დაიმატონ, ამისთვის მათ საკმარისი ფინანსები აქვთ. "

"რაც შეეხება უეინ რუნის, არ მგონია რომ მან კლუბი დატოვოს. იგი მსაოფლიოში ერთ-ერთ საუკეთესო კლუბში თამაშობს. პრემიერლიგა სრულყოფილი ლიგაა მისთვის. ვიცი, რომ დევიდს პრობლემები უეინ რუნისთან ჰქონდა, მაგრამ ეს დიდიხნის წინ იყო. დარწმუნებული ვარ, რომ რუნის იუნაიტედში სურს დარჩენა. იმედი მაქვს, რომ უეინი კლუბში დარჩება, იგი ერთ-ერთი საუკეთესო მოთამაშეა პრემიერლიგაში."-დაასრულა კარაგერმა.

წყარო:redevils.ru