"მანჩესტერ იუნაიტედს" ჰყოლია უამრავი სკანდინავიელი ფეხბურთელი, რომლებიც წარმატებით ემსახურებოდნენ გუნდს. კიდევ ერთხელ გავიხსენოთ მათი მოღვაწეობა.

მათ შორის შვიდმა დანიელმა, ნორვეგიელმა და შვედმა ფეხბრთელმა განსაკუთრებული როლი ითამაშეს გუნდის ისტორიაში.

სკანდინავიელთაგან ყველაზე მეტი ჩატარებული მატჩი აქვს პიტერ შმეიხელს, მან 90-იან წლებში 398 შეხვედრაში მიიღო მონაწილეობა. "შესანიშნავი დანიელის" შემდეგ მოდის ოლე გუნარ სოლსკაიერი, რომელმაც 366 შეხვედრაში 126 გოლი გაიტანა. ის "იუნაიტედმა" 1996 წლის ივლისში შეიძინა, მის შემდეგ "იუნაიტედმა"გაიფორმა ორი ნორვეგიელი: ჰენინგ ბერგი და რონი ჯონსენი და შეიკრიბა ნორვეგიული ტრიო, რომლებმაც შესანიშნავი შთაბეჭდილება დატოვეს "ოლდ ტრაფორდზე".

დანიის მსგავსად (სადაც ასევე უნდა აღინიშნოს ანდერს ლინდერგაარდი) შვედეთმაც რამდენიმე ვარსკვლავი აჩუქა ინგლისურ პრემიერ ლიგას. ჰენრიკ ლარსონი და იესპერ ბლომქვისტი დღესაც კარგად ახსოვთ "მანჩესტერში". ეს უკანასკნელი "იუნაიტედს" 1998 წელს შეუერთდა დამონაწილეობა მიიღო ტრებლის სეზონში, ხოლო ლარსონი გუნდს არენდით შეუერთდა 2006-07 წლებში და 13 თამაშში 3 გოლი გაიტანა. მისმა პროფესიონალიზმმა და ნიჭმა დიდი შთაბეჭდილება მოახდინა ფეხბურთელებზე და გულშემატკივრებზე.

წყარო: www.manutd.com