ვაგრძელებთ რუბრიკას „მოიესის ბიჭები“ და ამჯერად ჯერი ფლანგის შემტევებზეა.მოგეხსენებათ,რომ მოიესი მანჩესტერ იუნაიტედს ოფიციალურად პირველ ივლისს ჩაიბარებს და ფეხბურთელები უკვე მის განკარგულებაში იქნებიან.მანჩესტერ იუნაიტედში ამჯერად 4 ფლანგის შემტევია და ასევე ახალწვეული ზაჰა,რომელიც მალე მოაწერს ოფიციალურად კონტრაქტს ხელს.

რაიან გიგზი:უკვე მრავალი წელია „უბერებელი“ რაიან გიგზი მანჩესტერ იუნაიტედის მაისურით თამაშობს.მიუხედავად მისი ასაკისა,მას კიდევ შეუძლია მაღალ დონეზე თამაში.მაგალითად,როდესაც მან გასულ სეზონში მატჩები ითამაშა,გეგონებოდა,რომ მოედანზე ახალგაზრდა გიგზი თამაშობდა.ასევე მას სერ ალექსი ხშირ შემთხვევებში ცენტრალური ნახევარმცველის მოვალეობასაც აკისრებდა ხოლმე,რომელსაც გიგზი ძალიან კარგად ასრულებდა,მაგრამ ალბათ ყველა დამეთანხმება,რომ მისი პოზიცია მაინც ფლანგზე თამაშია.

ანტონიო ვალენსია:2011/12 წლებში ის მანჩესტერ იუნაიტედის წლის საუკეთესო მოთამაშედ დასახელდა და ამის შემდეგ ეკვადორელმა შემტევმა 7 ნომრიანი მაისური მოირგო.მაგრამ როგორც წინა სეზონმა გვაჩვენა ვალენსიამ თითქოსდა ფორმა დაკარგა და მთელი სეზონი ერთფეროვნად ჩაატარა,მაგრამ რა თქმა უნდა იყო თამაშები,სადაც თითქოსდა ძველი ვალენსია ბრუნდებაო.ამ ყველაფრის მიუხედავად ვალენსია ალბათ მაინც ერთ-ერთი საუკეთესო ფლანგელი იქნება მოიესის ხელშიც,თუ რა თქმა უნდა მანჩესტერ იუნაიტედმა ფლანგის შემტევი არ შეიძინა.

ეშლი იანგი:გასული სეზონის თითქმის ძალიან დიდი ნაწილი იანგმა ტრავმის მოშუშებას მოანდომა.ასტონ ვილადან გადმოსულმა შემტევმა პირველი პრემიერ ლიგის ტიტული სწორედ 2012/13 წლების სეზონში მოიპოვა.მას აქვს ძალიან კარგი უნარი ფლანგზე თამაშისა და მისი ერთ-ერთი მთავარი კოზირი მისი საოცარი დარტყმის შესრულების უნარია.

ნანი:2007 წლიდან ლუიშ ნანი მანჩესტერ იუნაიტედის ღირსებას იცავს.მაგრამ ბოლო წლებში მისი იუნაიტედში დარჩენა კითხვისნიშნის ქვეშ დგას.თავიდან მას ძალიან დიდ მომავალსაც უწინასწარმეტყველებდნენ.მას შეუძლია ორივე ფეხით ძალიან კარგად თამაში.მაგრამ გასულ სეზონში თითქმის არ უწევდა თამაში და ეს ყველაფერი კი იმის მანიშნებელია,რომ შესაძლოა ამ ზაფხულში მან იუნაიტედი დატოვოს.

ვილფრიდ ზაჰა:ყოფილი კრისტალ პალასის ფეხბურთელი არის ერთ-ერთი ყველაზე პროგრესირებადი ახალგაზრდა ინგლისელებს შორის.იუნაიტედმა ის 2013 წლის იანვარში შეიძინა,მაგრამ სეზონის ბოლომდე კრისტალ პალასში დატოვა და ოფიციალურად ხელს პირველ ივლისს მოაწერს კლუბთან.ასევე ახსანიშნავია ის,რომ კრისტალ პალასს ზაჰა ძალიან დაეხმარა,რომ გადმოსულიყო პრემიერ ლიგაში.

მსგავსი სიახლეები:
მოიესის ბიჭები:მეკარეები(ნაწილი პირველი)
მოიესის ბიჭები:ფლანგის მცველები(ნაწილი მეორე)
მოიესის ბიჭები:ცენტრალური მცველები(ნაწილი მესამე)