ლუის ვან გაალის გადაწყვეტილებით ჰოლანდიის ნაკრების ახალ კაპიტნად "მანჩესტერ იუნაიტედის" თავდამსხმელი რობინ ვან პერსი დაინიშნა.
ვან გაალმა გადაწყვეტილება პარასკევს ინდონეზიასთან გამართული ამხანაგური შეხვედრის შემდეგ მიიღო. აქამდე კაპიტნის სამკლაურს უესლი სნეიდერი ატარებდა.
"როცა წინა წელს გუნდის მწვრთნელად დავინიშნე, განსაკუთრებით სნეიდერს ვენდობოდი. ახლა ასეთი დამოკიდებულება ვან პერსის მიმართ მაქვს. უესლის მთელი წლის განმავლობაში რეგულარულად არ უვარჯიშია. ჯობია მან პირველ რიგში საკუთარ ფორმას მიხედოს." - განაცხადა ვან გაალმა.
ინდონეზიის ანგარიშით 0-3 დამარცხების შემდეგ, ჰოლანდიელები მომდევნო ამხანაგურ შეხვედრას ხუთშაბათს, ჩინეთის ნაკრებთან ჩაატარებენ.

წყარო: http://strettychants.com/