"მანჩესტერ იუნაიტედის" ლეგენდარული ფეხბურთEლები ემზადებოდნენ ამ მატჩისთვის, რათა "რეალს" პირისპირ შეხვედროდნენ. ეს საქველმოქმედო მატჩი კი 2 ივნისს გაიმართება "ოლდ ტრაფორდზე". ღონისძიების მსვლელობისას ასევე გაიმართება კონცერტი ჯგუფ "JLS"-ის შესრულებით. ბილეთების ოფიცი გაიხსნება არა მარტო ბილეტების გასაყიდად, არამედ შემოწირულობების მისაღებადაც. ამ დროისათვის უკვე გაყიდულია 55 600 ბილეთი.

გასულ წელს "მანჩესტერ იუნაიტედი" მადრიდის "რეალს" "სანტიაგო ბერნაბეუზე" ეწვია, სადაც "წითელმა ეშმაკუნებმა" ანგარიშით 3-2 წააგეს მატჩი. იმ მატჩში გოლები გაიტანეს ლი შარპმა და ტედი შერინგემმა, რომლებიც 2 ივნისს გასამრთ მატჩშიც მიიღებენ მონაწილეობას. სამწუხაროდ, "იუნაიტედის" მწვრთნელმა ბრაიან რობსონმა ვარჯიშის დროს დაკარგად დიონ დაბლინი, რომელმაც ტრავმა მიიღო, ხოლო იასპერ ბლუმკვისტმა მატჩში მონაწილეობაზე უარი განაცხადა.

შესაძლოა მოედნის ცენტრი პოლ სქოულზმა დაიკავოს, რომელსაც არაერთხელ უთამაშია ასეთი ლეგენდების წინააღმდეგ, როგორებიც არიან ზინდეინ ზიდანი, ლუის ფიგუ და სტივ მაკმანამანი. ხოლო რუდ ვან ნისტერლოი თითო-თითო ტაიმს ჩაატარებს ორივე კლუბის მაისურით, რადგან მან "იუნაიტედშიც" ითამაშა და "რეალშიც".



"იუნაიტედი": მეკარეები - ვან დერ საარი, ვან დერ გაუ; მცველები - ბერგი, ბლეკმორი, ირვინი იანსენი, მარტინი, სტამი; ნახევარმცველები - ფორჩუნე, რობსონი, სქოულზი, შარპი; თავდამსხმელები - კოული, შერინგემი, ვან ნისტერლოი და იორკი.

"რეალი":მეკარეები - კონტრერასი, სანჩესი; მცველები - კანავარო, ელგერა, იერო, პავონი, სალგადო, სანსი; ნახევარმცველები - ამავისკა, დე ლა რედი, ფიგუ, მაკმანამანი, მაკელელე, ზიდანი; თავდამსხმელები - ალფონსო, ბუტრაგენიო, მორენტესი და ვან ნისტერლოი.



წყარო:http://www.manutd.ru