ინგლისური გამოცემა Caughtoffside ირწმუნება, რომ "მანჩესტერ იუნაიტედმა" კონტრაქტი შეათანხმა "პსვს" ფეხბურთელ კევინ სტროტმანთან. პირობების თანახმად, ახალგაზრდა ჰოლანდიელი "ოლდ ტრაფორდზე" 17.5 მილიონ ფუნტად გადავა.
23 წლის ნახევარმცველის ბედის უკვე დიდი ხანია უკავშირებენ "მანჩესტერ იუნაიტედს". ფერგიუსონი მას საკმაოდ დიდი ხნის განმავლობაში აკვირდებოდა და როგორც ცნობილია, კლუბის ახალ მწვრთნელ დევიდ მოიესსაც სურს ამ ტრანსფერის განხორციელება.
ჰოლანდიური კლუბის მენეჯერმა დიკ ედვოკეტმა განაცხადა, რომ სტროტმანის მთავარი ინტერესი მისი პოტენციალის სრულად გამოყენება და კარიერული წინსვლაა, რის გამოც მისთვის გუნდის დატოვება უმჯობესი იქნება.
"კარგი იქნება თუ სტროტმანი ჩვენთან დარჩება, მაგრამ მისთვის უმჯობესი იქნება თუ კლუბს დატოვებს. ეს ბიჭი ყველგან და ყოველთვის ვარჯიშობს, ის ჰოლანდიის ეროვნული ნაკრების ვიცე კაპიტანია, კევინი საოცარი ფეხბურთელია, მან საკუთარი შესაძლებობები კარგად იცის."
სტროტმანი ფეხბურთელია, რომელიც საკუთარი ფიზიკური შესაძლებლობებით პრემიერ ლიგას კარგად მოერგება. მან გასულ სეზონში ერედივიზიონში 5 გოლი გაიტანა და 11 საგოლე პასი გააკეთა. კევინი მუდმივად ხვდება ჰოლანდიის ნაკრების ძირითად შემადგენლობაში.

წყარო: caughtoffside.com