რობინ ვან პერსი უარყოფს იმ მოსაზრებას, რომ „იუნაიტედის“ ფანები მსოფლიოს სხვადასხვა ქვეყნებიდან ჩამოდიან და ქალაქში „სიტის“ უფრო მეტი გულშემატკივარი ჰყავს. რობინი თვლის, რომ ორშაბათის აღლუმი ყველაფრის მთქმელი იყო.
“რამდენიმე წლის წინ ამ თემაზე დე იონგს ვესაუბრე, როცა ის ჯერ კიდევ „სიტიში“ თამაშობდა.
მან თქვა, რომ მანჩესტერში მხოლოდ „სიტის“ ფანები იყვნენ, „იუნაიტედის“ გულშემატკივრები კი მატჩებისთვის მსოფლიოს სხვადასხვა ქალაქებიდან ჩამოდიოდნენ.
ახლა ის უნდა შეეგუოს იმ ფაქტს, რომ მისი ნათქვამი უდავოდ არასწორია.
ორშაბათს ამ ორი კლუბის ფანების რაოდენობა ქალაქში 80-20-ზე იყო.
ისინი სხვა ქალაქებიდან არ ჩამოდიან. აღლუმის დაწყების წუთიდან უფრო და უფრო მეტ ხალხს ვხედავდი.
ვხედავდი გულშემატკივრებს სახურავებზე, აივნებზე, შუქნიშნებზეც კი. ისინი თითქმის ყველგან იყვნენ. ერთ-ერთი ფოტო არსებობს, სადაც ძალიან ბევრი ადამიანი მშენებარე შენობიდან გვიყურებს.
აქამდე ბევრი კარგი ფოტო მქონდა გადაღებული, მაგრამ კოლექციას ერთი აკლდა.
ახლა უკვე მაქვს სურათები, სადაც ტიტულთან და ფანებთან ერთად ვარ. ამაზე უკეთესს ვერც ვინატრებდით.“ - დაასრულა ვან პერსიმ.