"ყველა შემთხვევაში დადგებოდა ის დღეც, როდესაც მე პენსიაზე გავიდოდი. საბედნიეროდ მე კლუბს გამარჯვებული ვტოვებ. ასე მინდოდა ვყოფილიყავი ყოველთვის."

"მე მივიღე გადაწყვეტილება წასვლასთან დაკავშირებით, ჯერ კიდევ შობის დღეებში. მარტამდე არაფერს არ ვამბობდი წასვლაზე ჩემს შვილებთან, ხოლო ჩემმა ძმამ ეს ამბავი საერთოდ სამშაბათს გაიგო. ისინი ბედნიერები არ იყვნენ ამ ამბით! ახლობლებიდან ეს მხოლოდ ჩემმა ცოლმა იცოდა. ოქტომბერში მან დაკარგა და და ძალიან უჭირდა მარტო ყოფნა. მასთან იყვნენ საყვრაელი შვილები და შვილიშვილება, მაგრამ აღარ იყო მისი საუკეთესო მეგობარი - მისი და! თავიდან ჩემი მეუღლე მარტოობას გრძნობდა. მან ჩემს გამო ძალიან ბევრი რამ დათმო. მე გადავწყვიტე დამესრულებინა ჩემი კარიერა და დარჩენილი ცხოვრება მხოლოდ მისთვის და ჩვენი ოჯახისთვის მიმეძღვნა."



"ჩემსთვის ძალიან მნიშვნელოვანი იყო, ფეხბურთიდან გამარჯვებულის როლში წავსულიყავი. როდესაც საშობაოდ სატურნირო ცხრილში მხოლოდ ხუთი ქულით ვიყავით წინ, მაშინ ღმერთს ვევედრებოდი, რომ ყველაფერი კარგად დასრულებულიყო. საბედნიეროდ ეს ტიტული მალე მოვიგეთ."



"მე არ ვიცოდი თუ რა უნდა მეთქვა გამოსამშვიდობებელ მატჩზე. მე იმას ვსაუბრობდი, რაც თავში მომდიოდა აზრად. დილით მე ვესაუბრე ჩემს შვილს, ჯეიმსს, რომელმაც მითხრა:"დინებას მიყევი. დაიწყე ლაპარაკი და ტექსტიც თვითონ მოვა." რათქმაუნდა, ჩემი სიტყვით გამოსვლა კარგი გამოვიდა. ეს ძალიან ემოციური მომენტი იყო ჩემთვის. მთელი კვირა ძალიან რთული გადასატანი იყო, რადგან უნდა დავმშვიდობებოდი ფეხბურთელებს და კლუბის პერსონალს. მაგრამ ჩვენ ყველამ ერთად, ამას თავი გავართვით."



სერ ალექსმა დევიდ მოიესზე განაცხადა:"ჩვენ მისი გვჯერა. მას ძალიან უყვარს ბევრი მუშაობა და პირველ რიგში ისიც შოტლანდიელია! ამ კლუბში შოტლანდიელი მწვრთნელების ფანტასტიკური დინასტიაა. ვიმედოვნებ, რომ დევიდი ისეთივე მხარდაჭერას მიიღებს, რაც მე მრავალი წლების წინ მივიღე "ოლდ ტრაფორდზე" მოსვლის დროს. სწორედ ესაა თქვენი პირველი დავალება!"





წყარო:http://redevils.ru