ჰოლანდიელის 25-მა გოლმა, რომელიც ერთი წლის წინ "არსენალიდან" "მანჩესტერ იუნაიტედში" გადაბარგდა, ძალიან გაუმარტივა "წითელ ეშმაკუნებს" დავალების შესრულება და "მანჩესტერ სიტისთვის" ტიტულის წართმევა.
თუმცა, ანტონიო ვალენსია თვლის, რომ მას და მის პარტნიორებს ტიტულის დაბრუნება ვან პერსის გარეშეც და მასთან ერთადაც შეეძლოთ.
"ჩვენ ძალიან ძლიერი განწყობა გვქონდა ტიტულის დაბრუნებისა, რადგან ეს შანსი წინა წელს ვერ გამოვიყენეთ და ამ განწყობით შეგვეძლო ტიტული რობინის გარეშეც მოგვეპოვებინა."
"მაგრამ რობინი შეუდარებელია, რომელსაც ძალიან დიდი შესაძლებლობები აქვს, ოსტატობის მაღალი დონე და ასევე შეუძლია ნებისმიერი პრობლემის გადაჭრა, რომელიც მას გზად გადაეღობება. მე როგორც ვინგერს, მსიამოვნებს მასთან ერთად თამაში." - განაცხადა ანტონიო ვალენსიამ გამოცემა Daily Mail-თან.