ინგლისური The Sun-ის ინფორმაციით, „დორტმუნდის“ თავდამსხმელი რობერტ ლევანდოვსკი მზადაა „მანჩესტერ იუნაიტედის“ წინადადების ნაცვლად „ბაიერნის“ შეთავაზებას დათანხმდეს. ალექს ფერგიუსონმა განაცხადა, რომ ზაფხულში ლევანდოვსკის შეძენა მისი დიდი სურვილია. მაგრამ 25 მილიონ ფუნტად შეფასებულ 24 წლის პოლონელ ფეხბურთელს მიუხენის „ბაიერნმა“ სენსაციური თანხა - კვირაში 160,000 ფუნტი შესთავაზა. ლევანდოვსკიზე მოთხოვნილება კიდევ უფრო გაიზარდა ჩემპიონთა ლიგის მატჩში „რეალის“ წინააღმდეგ შესრულებული პოკერის შემდეგ. მას „დორტმუნდთან“ 1 წლიანი კონტრაქტი აკავშირებს. “იუნაიტედი“ მარიო გიოტცეს შეძენითაც იყო დაინტერესებული, მაგრამ მანაც „ბაიერნი“ აირჩია.