დღეს გაიმართა პრემიერ ლიგის 33–ე ტურის შეხვედრა, სადაც სტოკი ცხრილის ლიდერს, მანჩესტერ იუნაიტედს მანსპინძლობდა. სტუმრებმა დამაჯერებელი ანგარიშით დაამარცხეს მასპინძლები და სამი ქულაც მიითვალეს აქტივში. ანგარიში მატჩის დასწყებისთანავე გაიხსნა, 4-ე წუთზე მაიკლ კერიკმა წინ გაიყვანა იუნაიტედი. პირველ ტაიმში სტუმრებმა იმარჯვეს. მეორე ტაიმის 66-ე წუთზე ვან პერსის წაქცევისთვის თერთმეტმეტრიანი დაინიშნა მასპინძელთა კარში, შესრულება თავის თავზე დაზარალებულმა აიღო და მატჩის საბოლოო ანგარიშიც დააფიქსირა. მანჩესტერ იუნაიტედმა 2-0 დაამარცხა სტოკი. ამ დროისთვის ჰოლანდიელი გოლეადორი მეორე ადგილს იკავებს ბომბარდირთა დავაში, მის ანგარიშზე 20 გოლია და 2 ბურთით ჩამორჩება ლივერპული ურუგვაელ თავდამსხმელს, ლუის სუარესს. მომდევნო ტურში იუნაიტედი ვესტ ჰემს ესტუმრება, მატჩი 17 აპრილს, თბილისის დროით 23:45 წუთზე გაიმართება.

სტოკი – მანჩესტერი 0–2



გოლები: კერიკი 4', ვან პერსი 66'

მატჩის მოკლე მიმოხილვა