გუშინ გამართულ „დერბიზე“ საუბრისას პატრის ევრამ აღნიშნა, რომ მისმა გუნდმა მიუხედავად დიდი იმედგაცრუებისა, მომდევნო მატჩზე უნდა მოახდინოს კონცენტრაცია. ევრა იმედოვნებს, რომ „იუნაიტედი“ ტრადიციას გააგრძელებს და ზედიზედ ორ მატჩს არ წააგებს.
„იმედგაცრუებულები ვართ, რადგან „დერბი“ წავაგეთ და ტიტულისთვის ბრძოლის დასრულების შანსი ვერ გამოვიყენეთ. „იუნაიტედის“ ფეხბურთელისთვის „სიტისთან“ წაგება ძალიან მტკივნეულია. მეორე ტაიმში ჩვენ მათზე ბევრად უკეთესად ვითამაშეთ. მჯეროდა, რომ შეხვედრას მოვიგებდით, მაგრამ მეორე გოლმა ბევრი რამ შეცვალა. ყველა ჩვენთაგანისთვის ცუდი საღამო გამოდგა.
12 ქულიანი უპირატესობა ჯერ კიდევ გვაქვს. რაც ამ კლუბში ვიმყოფები, ზედიზედ 2 მატჩს თითქმის არასოდეს ვაგებთ. ამიტომ ვიმედოვნებ, რომ „სტოკს“ დავამარცხებთ და გამარჯვებებს გავაგრძელებთ. ახლა უბრალოდ შემდეგი მატჩი უნდა მოვიგოთ და დავამტკიცოთ, რომ ინგლისში საუკეთესონი ვართ.
“სტოკთან“ ადვილი მატჩი არ გველის. ბოლომდე ბრძოლისათვის მზად უნდა ვიყოთ. ბოლო რამდენიმე წელია მათ სტადიონს 3 ქულით ვტოვებთ, მაგრამ ეს არაფერს ცვლის.“ - განაცხადა ევრამ MUTV-სთან საუბრისას.

წყარო: manutd.com