ფილ ჯონსის განხილვისას სერ ალექს ფერგიუსონმა მას "ფეხბურთის ცხოველი" უწოდა.მან ასევე განიხილა ჯონსის მომავალი.ფერგის აზრით, მომავალ წელს ის უკვე ჩამოყალიბებული ფეხბურთელი იქნება.შოტლანდიელს სურს ის ცენრალური ნახევამრცველის ადგილას იხილოს.კრის სმოლინგი და ჯონი ევანსი ასევე ცდილობენ წარმოაჩინონ თავისი შესაძლებლობების მაქსიმუმი.სწორედ ისინი ითვლებიან ფერდინანდი-ვიდიჩის შემცვლელებად, მაგრამ ჯონსის სახით, რომელიც 4 ნომრიანი მაისურით ასპარეზობს, მათ ღირსეული კონკურენტი ჰყავთ.

"ჯონი წელს მართლაც შეუდარებელია.ის 21 წლისაა და იმედია უმაღლეს დონეზე თამაშს მინიმუმ შვიდი წელი მაინც შეძლებს.ალბათ სწორედ ის იქნება ჩვენი დაცვის ბურჯი შემდეგი სეზონების მანძილზე.რიო 34 წლისაა, ვიდიჩი 31, პატრისიც 31 წლის გახლავთ, ასე რომ, სმოლინგის, ევანსის და ჯონსის მსგავსი ფეხბურთელები ნამდვილად გვესაჭიროება.ეს უკანასკნელი(ფილი) ფანტასტიური მოთამაშეა.დიახ, მისი ძირითადი პოზიცია ცენტრალური მცველია, მაგრამ მე შემიძლია ის ნებისმიერ ადგილზე ვათამაშო.ალბათ, მას ცენტრალურ თავდასხმელადაც ძალუძს თამაში.ფილი ფეხბურთის ცხოველია.ვათამაშებ მას მარჯვენა მცველად?შესანიშნავია.ვათამაშებ ცენტრალურ ნახევამრცველად?არ არის პრობლემა.ვათამაშებ ცენტრალურ მცველად?ბრწყინვალეა."

"ის ერთ-ერთი იმ ფეხბურთელთაგანია, რომლებსაც ყველგან შეუძლიათ თამაში.ასეთი ფეხბურთელი დიდი ხნის განვმალობაში არ გვყავდა.ბოლო ასეთი ბრაიან მაკლეარი იყო.ის შესანიშნავი მოთამაშე იყო.ერთხელ ის გამეხუმრა:მე ვუთხარი, რომ ეთამაშა მარჯვენა მცველად.მას გაეცინა.როდესაც ვკითხე, თუ რაში იყო საქმე, მან მიპასუხა, რომ შემდეგ თამაშში ალბათ ცენტრალურ ნახევარმცველად მოუწევდა თამაში."