ინგლისური პრესა გვამცნობს, რომ მექსიკელი ფორვარდი გაოცებულია იმით, რომ სულ სათადარიგოთა სკამზე ზის, ასე რომ ზაფხულში სხვა შემოთავაზებების განხილვას აპირებს. შოტლანდიელმა სპეციალისტმა განაცხადა, რომ ჩიჩარიტო კლუბისთვის ძალიან მნიშვნელოვანია:"დაწყებისთვის იმას გეტყვით, რომ მას ჩვენთან საკმაოდ გრძელ ვადიანი კონტრაქტი აკავშირებს. ამ თემაზე არანაირ ინტრიგას არ დავტოვებთ. ხავიერი - ის ძალიან მნიშვნელოვანი ფეხბურთელია ჩვენთვის. თქვენთვითონაც ხედავთ, რომ მას ნებისმიერ მომენტში შეუძლია მოედანზე შესვლა და ყველაფრის შეცვლა. ის აკეთებს რაღაცას, რაც ყველა ფორვარდისგან გამოარჩევს." - განაცხადა სერ ალექსმა manutd.com-თან.

"როდესაც ძირითად შემადგენლობას ვირჩევ, ყოველთვის ვესაუბრები იმათ ვინც ამ შემადგენლობის მიღმა რჩება. მე ვესაუბრები ხავიერს და ვეუბნევი, რომ ძალიან მიჭირს მისი სკამზე დასმა იმის გათვალისწინებით, თუ რამდენი გოლი გაიტანა. ის საუკეთესო ფეხბურთს აჩვენებს და ამას ყოველთვის გააგრძელებს, რადგან საუკეთესო ფორვარდია."

"ძნელია შემადგენლობის არჩევა, როდესაც ამდენი კარგი ფეხბურთელი გყავს. მე მყავს დენი ველბეკი, უეინ რუნი, რობინ ვან პერსი და შინჯი კაგავა. მაგრამ ეს ყველაფერი გუნდზე კარგად მოქმედებს. ვფიქრობ, რომ ახლა ჩემს ხელში 26 მოთამაშეა. მთელს ლიგაში კი ყველაზე დიდი შემადგენლობა მყავს."

"არანაირი ინფორმაცია არ არსებობს იმაზე, რომ ჩიჩარიტო უკმაყოფილოა გუნდში თავისი მდგომარეობით. მისი მომზადება მატჩებისთვის და ენთუზიაზმი, რომლითაც ის ვარჯიშებს უდგება უბრალოდ შეუდარებელია. მე ამ ბიჭთან არანაირი პრობლემა არ მაქვს."


წყარო:http://redevils.ru