სერ ალექს ფერგიუსონი იმედოვნებს, რომ უეინ რუნი საზარდულის ტრავმას „დერბიმდე“ მოიშუშებს და სამშაბათის შეხვედრაში „იუნაიტედს“ წარმატების მიღწევაში დაეხმარება.
უეინმა ამ მიზეზით, ბოლო კვირაში „სანდერლენდთან“ და „ჩელსისთან“ მატჩები გამოტოვა. თავდამსხმელმა ტრავმა წინა თვეში, ინგლისის ნაკრებში მიიღო და უკვე მეორე შეხვედრაში ვერ დაეხმარა „იუნაიტედს“.
სერ ალექსი ამბობს, რომ რუნიმ ტკივილი გუშინდელ ვარჯიშზეც აწუხებდა და გადაწყვიტა, რომ „ჩელსისთან“ მატჩიც გამოეტოვებინა. შოტლანდიელი სპეციალისტი იმედოვნებს, რომ ის 8 აპრილამდე გუნდს დაუბრუნდება.
"რუნიმ საზარდულის ტრავმა ინგლისის ნაკრებში მიიღო, ტკივილებმა კი გუშინდელ ვარჯიშამდე გასტანა და აღარ გავრისკეთ. ვიმედოვნებ, რომ ის სამშაბათის მატჩისთვის მზად იქნება." - განაცხადა ფერგიუსონმა.

დღევანდელი შეხვედრა გამოტოვა ჯონი ევანსმაც მუხლის მყესის დაჭიმულობის გამო. ჩრდილო ირლანდიელმა „სანდერლენდთან“ მატჩის პირველ ტაიმში რაფაელი შეცვალა და მსაჯის სასტვენამდე ტკივილებით ითამაშა.

წყარო: manutd.com