სულ ცოტა ხნის წინ დასრულდა მატჩი "მანჩესტერ იუნაიტედსა" და "სანდერლენდს" შორის, რომელშიც წითელმა ეშმაკუნებმა მინიმალური ანგარიშით გაიმარჯვეს. წინასამატჩოდ ჟურნალისტებმა ბევრი საინტერესო რამ დაწერეს. საუბარი იყო ერთგვარ შურისძიებაზე "იუნაიტედის" მხრიდან. შეგახსენებთ, რომ გასულ წელს "იუნაიტედმა" ჩემპიონობა ხელიდან სწორედ "სანდერლენდის" სტადიონზე გაუშვა. რა თქმა უნდა ამით შავ კატებს არაფერი დაუშავებიათ, თუმცა მატჩის შემდგომ ძალიან უსიამოვნო ფაქტი მოხდა. "სანდერლენდის" გულშემატკივრები კარგ ხასიათზე დადგნენ და სიმღერაც კი დაიწყეს. ბევრი საუბარი არაა საჭირო იმის შესახებ, რომ ეს ფაქტი ცუდად დაამახსოვრდათ "იუნაიტედის" ფეხბურთელებს და დღევანდელი მატჩის შემდეგ შეიძლება ითქვას, რომ მათ შური იძიეს. ახლა კი გადავიდეთ უშუალოდ მატჩის მსველობაზე და მასში განვითარებულ სიუჟეტზე."იუნაიტედს" ბევრი ძირითადის მოთამაშე აკლდა:უეინ რუნი, რაიან გიგზი, რიო ფერდინანდი, პატრის ევრა. მაგრამ თუ დანაკლისებზე ვსაუბრობთ არ შეიძლება ხაზი არ გავუსვათ "სანდერლენდის" საკადრო პრობლემებს. მათ აკლდათ სტივენ ფლეტჩერი, ვეს ბრაუნი, ლი კატერმოლი, რომლებიც გუნდის ლიდერებად ითვლებიან. ამ ყველაფრის ფონზე მატჩი საკმაოდ სახალისო აღმოჩნდა. მატჩი "იუნაიტედის" უპირატესობით დაიწყო და რამოდენიმე კარგი შეტევაც გააკეთეს. მიუხედავად ამისა "სანდერლენდი" ცუდად არ გამოიყურებოდა და 1-2 კარგი მომენტიც შექმნა. "იუნაიტედს" პირველივე ტაიმში გამოაკლდა რაფაელი, რომელმაც დიდი ალბათობით მცირე ტრამვა მიიღო. 27-ე წუთზე კი რობინ ვან პერსის კარგი გარღვევის შემდეგ ბურთი ტიტუს ბრამბელს მოხვდა და სიმონ მინიოლეს კარში შეგორდა. ამის შემდეგ ტემპი დადაბლდა, "იუნაიტედი" ხშირად აღარ უტევდა, ხოლო "სანდერლენდი" რაც შეეძლო აკეთებდა, თუმცა ეს გოლის გატანისათვის საკმარისი არ აღმოჩნდა. პირველი ტაიმი "იუნაიტედმა" 1-0 მოიგო. მეორე ტაიმში ასეთივე სიუჟეთი განვითარდა და გუნდებს დიდი არაფერი შემოუთავაზებიათ. შეიძლება ითქვას, რომ უმოტივაციო "მანჩესტერისთვის" არ იყო ამ თამაშის მოგება აუცილებელი, თუმცა როგორც ზემოთ ავღნიშნე მათ შურისძიება სურდათ და გამოუვიდათ კიდეც.

ავტორი: Red Hooligan