სერ ალექს ფერგიუსონი ამბობს, რომ მან აპატია სანდერლენდის ფანებს ის რეაქცია, რომელიც მათ წინა სეზონის ბოლო მატჩში, აგუეროს გატანილი გოლის შემდეგ ჰქონდათ.არგენტინელმა ფორვარდმა "სიტის" ჩემპიონობა მოუტანა ბოლო წუთებზე, როდესაც მესამედ დალაშქრა პატრიკ კენის კარი.სანდერლენდის ქომაგებმა კი "ცისფრების" ჩემპიონობა "სიტის" ფანების სტილში იზეიმეს, კერძოდ კი მოძრაობა "პოზნანი" გააკეთეს.როდესაც "შავი კატების" და "იუნაიტედის" შეხვედრა დასრულდა(0-1), ყველა ელოდა მეორე მანჩესტერული კლუბის და "ქუინზ პარკის" მატჩის დასრულებას.უეცრად, ადგილობრივმა დიქტორმა გამოაცხადა, რომ სერხიო აგუერომ გოლი გაიტანა და თასი "სიტის" დარჩა.ამ ყველაფერმა ძალიან გაახარა სანდერლენდელები და მათ ემოციები ვერ მოთოკეს.

რათქმაუნდა, ფერგიუსონი ამის გამო დიდხანს იყო გაბრაზებული, მაგრამ მან განაცხადა, რომ სწორედ ეს ფაქტი ასახავს ნათლად ამჟამინდელ მდგომარეობას ფეხბურთში:"ვფიქრობ, ეს ყველაფერი კარგი მაგალითია იმისა, თუ რა ხდება თანამედროვე ფეხბურთში.ასეთ ფაქტებს ხშირად ნახავთ.მაგრამ არამგონია, ჩვენ ამ ყველაფრის შეცვლა შეგვეძლოს.ძალიან ცუდია, როდესაც ასეთი ფაქტების მონაწილე ხდები.ვფიქრობდი, რომ პრემიერ ლიგა მოვიგოთ, მაგრამ საბოლოოდ ის მოგვპარეს."

"არანაირი წყენა არ მაქვს სანდელრენდის ქომაგების მიმართ.ეს ასე მოხდა, მაგრამ ვეცადეთ, იოლად მიგვეღო ეს რეაქცია.ამ წელს ყველას დავუმტიცეთ, რომ საუკეთესო გუნდი ვართ ინგლისში.კარგ ფორმაში ვიმყოფებით და სწორედ ახლა უნდა ვანახოთ მათ ჩვენი ძალა.კიდევ ერთხელ გავიმეორებ, რომ "შავი კატების" ქომაგებისადმი წყენა არ გამაჩნია.არამგონია მათ განსაკუთრებულად გახარებოდათ "სიტის" გაჩემპიონება.ცნობისთვის, ჩვენ იმ დღეს გავიმარჯვეთ და ალბათ სწორედ ამან ითამაშა დიდი როლი.თანამედროვე ფანები განსხვავდებიან ძველი გულშემატკივრებისგან.მაგრამ ეს ყველაფერი ნორმალურია".