"მანჩესტერ სიტის" თავკაცი რობერტო მანჩინი აღიარებს, რომ წელს, მისმა გუნდმა "მანჩესტერ იუნაიტედთან" საჩემპიონო რბოლა დათმო. იტალიელი სპეციალისტი "ქალაქელების" მომავალს კვლავ ოპტიმისტურად უყურებს. ის მომავალ სეზონში კლუბში დარჩენას და პრემიერ ლიგის ტიტულის დაბრუნებას გეგმავს. "სიტი" შაბათს საკუთარ სტადიონზე "ნიუკასლს" მიიღებს, "იუნაიტედი" კი გასვლით შეხვედრას "სანდერლენდთან" გამართავს. "წითლების" გამარჯვებისა და "ცისფერების" მარცხის შემთხვევაში ქულათა სხვაობა, პრემიერ ლიგის დასრულებამდე 8 ტურით ადრე 18-მდე გაიზრდება. "ყველაფერი დასრულებულია, მაგრამ ეს არაფერს არ ცვლის, ჩვენ სეზონის დასასრულამდე ბოლომდე ვიბრძოლებთ. ყველა ტოპ კლასის გუნდმა, რომელიც ტიტულს ვერ მოიგებს, უნდა ეცადოს, რომ სამომავლოდ თამაში გააუმჯობესოს და ყველა მატჩი მოიგოს. ახლა ამის გასაკეთებლად შანსი ინგლისის თასის ნახევარფინალში გვაქვს. "ჩელსი" 4 ქულით გვყავს ჩამოტოვებული, "ტოტენჰემი" ხუთით და წინ 9 მატჩი შეხვედრა გვაქვს ჩასატარებელი. სწორედ ამიტომ, მნიშვნელოვანია, რომ სეზონის დარჩენილი ნაწილზე წარმატებულად ვიასპარეზოთ." - განაცხადა მანჩინიმ.