წინა სეზონის მარცხის შემდეგ, სადაც "სიტიმ" "იუნაიტედს" მხოლოდ ბურთების სხვაობით მოუგო, სერ ალექსი თვლიდა, რომ ეს სეზონი უფრო რთული იქნებოდა მისი კლუბისთვის. მაგრამ ფაქტი სახეზეა, "იუნაიტედს" ვერც ერთმა კლუბმა ვერ გაუწია დიდი კონკურენცია, ჩემპიონობაში.
სერ ალექსი თვლიდა, რომ მისი კლუბისთვის მთავარი კონკურენტები "ჩელსი" "არსენალი" და "ტოტენჰემიც" იქნებოდნენ, რადგან მათ ძალიან ძლიერი ფეხბურთელები შეიძინეს.

Sirius XM-თან ინტერვიუში სერ ალექს დაუსვევს ასეთი კითხვა, ელოდებოდა თუ არა, რომ ორ კლუბს შორის ქულათა სხვაობა საკმაოდ მცირე იქნებოდა, მან კი ასეთი პასუხი გასცა:"რათქმაუნდა. ისეთი კლუბები, როგორებიც არიან "ჩელსი" "არსენალი" "ტოტენჰემი" და რათქმაუნდა "მანჩესტერ სიტიც", რომელიც ბოლო წლების განმავლობაში საკმაოდ გაძლიერდა, იბრძოლებდნენ საუკეთესო ოთხეულში მოსახვედრად."

"წინა სეზონის შემდეგ ჩვენ ვთქვით:"მოდით ავიღოთ იმდენი ქულა, რომ მოწინააღმდეგემ ბურთების სხვაობითაც ვეღარ მოგვიგოს.", იმიტომ რომ ეს სწორედ წინა სეზონში ვიხილეთ."

"რათქმაუნდა ჩვენ გამოვასწორეთ თამაშიც და ბევრი ბურთის გატანაც დავიწყეთ, მაგრამ არ მეგონა თუ სეზონის ამ ნაწილში ქულათა სხვაობა ამხელა იქნებოდა."

იმისდა მიუხედავად, რომ "იუნაიტედს" ტიტული თითქმის ხელში აქვს, სერ ალექსი თვლის, რომ შაბათს "სანდერლენდთან" გასამართი მატჩი მათთვის ძალიან რთული იქნება.

"ნებისმიერი მწვრთნელი იმედოვნებს, რომ მისი ფეხბურთელები ფორმაში ჩადგებიან." - დაამატა სერ ალექსმა. - "მე უნდა დავრწმუნდე, რომ ჩემი ფეხბურთელები კარგ ფორმაში იქნებიან და "სანდერლენდთანაც" შედეგიან მატჩს ჩავატარებთ, ხოლო ორშაბათს "ჩელსისთან" საპასუხო მატჩს. ეს ძალიან დიდი გამოწვევაა ჩვენი შემადგენლობისთვის და მხოლოდ იმაზე იქნება ჩვენი წარმატება დამოკიდებული თუ რა შემადგენლობას ავირჩევ."


წყარო:http://redevils.ru