შინჯი კაგავას შეუძლია გადამწყვეტი როლი შეასრულოს იორდანიაში გასამართ მატჩში, სადაც იაპონიას შეუძლია მსოფლიო ჩემპიონატის ფინალური ეტაპის საგზური გაინაღდოს.

მატჩი იაპონიასა და იორდანიას შორის მეფე აბდულას სახელობის სტადიონზე დღეს, ჩვენი დროით 18:00 საათზე გაიმართება.

იაპონიას 5 მატჩში 13 ქულა აქვს დაგროვილი და დღეს წაგების შემთხვევაშიც კი მსოფლიო ჩემპიონატის საგზურს ისტორიაში მეხუთედ მოიპოვებს.

ამავდროულად, ''მანჩესტერ იუნაიტედის'' სხვა ფეხბურთელებიც ელიან სანაკრებო მატჩებს.
რუნი, იანგი, ველბეკი, კლევერლი, კერიკი და სმოლინგი ინგლისის ნაკრების მაისურით მონტენეგროს დაუპირისპირდებიან.
ერთმანეთს ხვდებიან დე ხეას ესპანეთი და პატრის ევრას საფრანგეთი - ორივე მათგანი 23 კაციან განაცხადშია შესული. ირლანდიის ნაკრებშია გამოძახებული ჯონი ევანსი, ვალენსია ეკვადორში, ენრიკესი ჩილეში, ჩიჩარიტო მექსიკასი და ვან პერსი ჰოლანდიის ნაკრებში.

წყარო: MANUTD.COM