22-03-2013, 17:26

ავტორი: ლადო,

ნანახია: 1726,

კომენტარები: 12

რაიან გიგზის საიდუმლო!

ბოლო დროს ბევრი მითქმა-მოთქმა იყო იმაზე, თუ რა შესანიშნავ ფორმაშია რაინ გიგზი. ახლა კი თქვენი ყურადღება დაუთმეთ მათ ვინც იცის, თუ როგორ ჩაატარა უელსელმა ათასზე მეტი მატჩი....

მაიკ ფელანი, სერ ალექს ფერგიუსონის დამხმარე
"რაც უფრო ემატება ასაკი მას, მით უფრო კარგი ხდება. სინამდვილეში მას ძალიან ბევრ პოზიციაზე შეუძლია თამაში, იმის გათვალისწინებით რომ ის უკვე 40 წლისაა. როდესაც ის ახალგაზრდა იყო, ძალიან ბევრ ფიტნეს ვარჯიშებს აკეთებდა. ის იყო ფლანგის მოთამაშე ძალიან კარგი სისწრაფით და დრიბლინგით. ახლა ის მოედანზე უფრო მეტ და კარგ ფუნქციებს ასრულებს." - აცხადებს ფელანი manutd.com-თან.

"ვფიქრობ, რომ მისი თამაში უფრო და უფრო გაუმჯობესდება. მას აქვს დასვენების უნარი მატჩებს შორის. რაიანს უკვე აღარ შეუძლია ყოველ მატჩში თამაში და არც ის შეუძლია ვარჯიშებით ყოველ დღე დაიტვირთოს. ჩვენ მის ფორმას ვადევნებთ თვალს."

"როდის დაასრულებს ის საფეხბურთო კარიერას?" - რაიანი ამ კითხვას უპასუხოდ ტოვებს. ბევრი თვლიდა, რომ ის კარიერას მაშინ დაასრულებდა, როდესაც სერ ბობი ჩარლტონის რეკორდს მოხსნიდა ნათამაშები მატჩების რაოდენობაში. ეს ხუთი წლის წინ მოხდა:"არავვითარი ჭორი არაა იმის შესახებ, თუ როდისა დაასრულებს ის კარიერას. ის აკეთებს ყველაფერს, რომ მისის შესაძლებლობებიდან მაქსიმუმი გამოწუროს. სანამ მას ეყვარება და შეეძლება ფეხბურთის თამაში, იქამდე დაინახავთ მას ვარჯიშებზეც და მატჩებზეც."

მაიკლ კლეგი, "იუნაიტედის" ყოფილი მწვრთნელი ფიზიკურ მომზადებაში
"ის თავის ფორმას იმით ინარჩუნებს, რომ ყოველთვის ცდილობს ახალი რამ შეიტყოს ფიზიკურ მომზადებაზე და ეს საკუთარ თავზე გამოსცადოს. როდესაც მე მას ვავარჯიშებდი, ყოველთვის ვასწავლიდი ახალ-ახალ რაღაცეებს და ისიც ყურადღებით მისმენდა. ყველამ იცით, რომ რაიანი ასევე იოგითაც არის დაკავებული. ასევე ის დაკავებული იყო ბოქსით და მძიმე ათლეტიკით. ასვე ხტებოდა ბატუტზეც, როდესაც ის 34-35 წლისა იყო. რამოდენიმე წლის წინ რაიანმა განაცხადა, რომ კმაყოფილი არ იყო საკუთარი ფორმით. ის ვერ ხვდებოდა, თუ რა უშლიდა მას ხელს. ერთხელ მე შევამჩნიე, რომ ის წერდა მარჯვენა ხელით, მაგრამ კალამი სწორედ არ იდგა. მე კი მას ვურჩიე, რომ დიდი დრო დაეხარჯა იმაზე, რომ კალამი მარცხენა ხელში გადაეტანა და სწორედაც დაეჭირა, ამით ის დაბალანსდებოდა. საქმე იმაშია, რომ თქვენი ტვინის მარჯვენა მხარი ზეგავლენას ახდენს თქვენი სხეულის მარცხენა მხარეზე და პირიქით."

"ჩვენ რამოდენიმე თვე გავატარეთ ისრების სროლაში და მაგიდის ჩოგბურთის თამაშში და ამ თამაშებს ის მარცხენა ხელით თამაშობდა. მოხდა ისე, რომ ის მარცხენა ხელით უფრო კარგად თამაშობდა ვიდრე მარჯვენა ხელით. ის ყველაფერს გააკეთებს, რომ თავისი ფიზიკური ფორმა დიდი ხანი შეინარჩუნოს."

ტონი სტრადვიკი, ფიზიკური მომზადების მწვრთნელი "იუნაიტეში"
"მაგლითისთვის აიღეთ მაიკლ ჯორდანი. ის კარიერის დასაწყისში იყო საუკეთესო ფორვარდი, რომელიც თავის მოწინააღმდეგეს გზიდან იშორებდა. მაგრამ მან შეცვალა თამაშის სტილი და ყველაზე დიდი ყურადღება ნახტომს მიაქცია. ეს ევოლუციაა. ერთ-ერთი ასეთი მაგალითია რაიან გიგზი"

წყარო:http://redevils.ru

ახალი ამბები

12 კომენტარი