"მანჩესტერ იუნაიტედის" მთავარი მწვრთნელი სერ ალექს ფერგიუსონი არ თვლის, რომ ინგლისური ფეხბურთი კრიზისშია, იმისდა მიუხედავად, რომ არც ერთი პრემიერ ლიგის წარმომადგენელი ჩემპიონთა ლიგის 1/4 ფინალში ვერ გავიდა.
როგორც ცნობილია "მანჩესტერ იუნაიტედი" და "არსენალი" ფლეი-ოფის პირველი რაუნდიდანვე გამოვარდნენ, ხოლო "მანჩესტერ სიტიმ" და "ჩელსიმ" ჯგუფიდანაც კი ვერ შეძლეს გამოსვლა.
პირველად 17 წლის მანძილზე, ჩემპიონთა ლიგის 1/4 ფინალურ ეტაპზე არ ითამაშებს არც ერთი ინგლისური კლუბი, მაგრამ ამაში სერ ალექს ფერგიუსონი რაიმე გასაკვირს არ ხედავს და ფიქრობს, რომ ინგლისისთვის ერთი ციკლი დასრულდა და ახლა ახალი იწყება.
"ჩვენ ძალიან კარგად ვითამაშეთ "რეალის" წინააღმდეგ. ჩვენ უნდა გავსულიყავით 1/4 ფინალში, მაგრამ ყველაფერი ისე არ ხდება, როგორც გინდა."
"მე ვფიქრობ, რომ ყველა გუნდი არ უნდა დაადანაშაულოთ და ბევრი სისულელე ისაუბროთ ჩვენზე. მე ამის აბსოლიტურად არ მჯერავს."
"აქ არის ციკლი. შეხედეთ "დორტმუნდის ბორუსიას" და "მიუნხენის ბაიერნს", ისინი ამ სეზონში ძალიან ძლიერები არიან. სწორედ ასეა ესპანეთიც უკვე რამოდენიმე წელი."
"რამოდენიმე წლის წინ, ინგლისური კლუბები ყოველთვის იყვნენ ჩემპიონთა ლიგის ნახევარფინალებში და ფინალებში. ამ დროსითვის ჩვენ ვაკვირდებით იმ ციკლს, სადაც გერმანული კლუბები პროგრესირებენ." - განაცხადა სერ ალექს ფერგიუსონმა Goal-თან.