"მანჩესტერ იუნაიტედის" მთავარმა მწვრთნელმა რუბენ ამორიმმა განმარტა თავისი გუნდის წარუმატებლობის მიზეზი "ბრაიტონთან" მატჩში.

კვირას „ოლდ ტრაფორდზე“ გამართული შეხვედრის ბედი მეორე ტაიმში გადაწყდა: 60-ე წუთზე "თოლიებმა" მეორე გოლი გაიტანეს და ანგარიში თავიანთ სასარგებლოდ შეცვალეს, ხოლო 76-ე წუთზე გამარჯვების გოლიც ონანას შეცდომის წყალობით დააფიქსირეს.

"ეს ჰგავს იმას, რაც წინა მატჩებშიც ვნახეთ. გავუშვით გოლები, რომლებიც არ უნდა გაგვეშვა. ამის შემდეგ ფეხბურთელებს ნერვიულობის გამო ბურთის კონტროლი გაუჭირდათ.

რთულია რამე შეცვალო, როცა ასეთ გოლებს უშვებ. ჩვენ უნდა გავაცნობიეროთ სიტუაცია და გავიგოთ, რომ "მანჩესტერ იუნაიტედისთვის" ასეთი ხშირი წაგებები მიუღებელია. აშკარაა, რომ უნდა მოვუმატოთ, თუნდაც არ გვქონდეს დრო ვარჯიშისთვის", – განაცხადა ამორიმმა BBC-სთან ინტერვიუში.