"მანჩესტერ იუნაიტედის" ხელმძღვანელობამ გადაწყვიტა მაროკოელი ნახევარმცველის სოფიან ამრაბატის მომავალი, რომელიც "წითელ ეშმაკებში" იჯარით თამაშობს.

შეგახსენებთ, რომ ნახევარმცველის სრული კონტრაქტი "ფიორენტინას" ეკუთვნის. Teamtalk-ის ცნობით, ინგლისური გრანდის მენეჯმენტში გადაწყვიტეს, რომ იჯარის ხელშეკრულების დასრულების შემდეგ აფრიკელი "ფლორენციული" კლუბისგან არ გამოისყიდონ.

ინგლისის პრემიერ ლიგის მიმდინარე სეზონში ამრაბატმა ერიკ ტენ ჰაგის გუნდის შემადგენლობაში 12 მატჩში მიიღო მონაწილეობა.

ნახევარმცველს ეფექტური ქმედება არცერთ საგოლე კომპონენტში არ განუხორციელებია, გარდა ამისა ფეხბურთელმა სამი ყვითელი ბარათი მიიღო.