"მანჩესტერ იუნაიტედმა" ოფიციალურად გამოაცხადა, რომ ალექს ტელეშმა კლუბი დატოვა და საუდის არაბეთის "ალ-ნასრის" შეუერთდა.

ალექსი "მანჩესტერ იუნაიტედს" პორტუგალიური "პორტუდან" 2020 წელს 18 მილიონი ევროს სანაცვლოდ შეუერთდა. 30 წლის მცველმა "იუნაიტედის" მაისურით 50 მატჩი ჩაატარა, გაიტანა 1 გოლი და 8 საგოლე გადაცემა შეასრულა.

შეგახსენებთ, რომ ტელეშმა გასული სეზონი "სევილიაში" იჯარით გაატარა. ბრაზილიელმა მცველმა ესპანური კლუბის მაისურით 38 მატჩში მიიღო მონაწილეობა და სამი საგოლე გადაცემა შეასრულა. ალექმა ესპანურ კლუბთან ერთად ევროპის ლიგა მოიგო.

"გვსურს მადლობა გადავუხადოთ ალექსს ბოლო სამი წლის განმავლობაში კლუბის განვითარებაში შეტანილი წვლილისთვის და ვუსურვოთ მას ყველაფერი საუკეთესო მომავალში", - ნათქვამია კლუბის განცხადებაში, რომელიც გამოქვეყნდა ოფიციალურ ვებგვერდზე.