"მანჩესტერ იუნაიტედის" საფეხბურთო დირექტორმა ჯონ მურტომ "ატალანტასთან" რასმუს ჰოილუნდის ტრანსფერზე მოლაპარაკებების დროს შეიტყო, რომ ბერგამოელები დაინტერესებულები არიან მეისონ გრინვუდის იჯარით, იტყობინება Manchester Evening News.

ერიკ ტენ ჰეგს არ სურს ახალგაზრდა ინგლისელის გაყიდვა, ამიტომ მიღებულ იქნა გადაწყვეტილება მეისონის იჯარით გაშვების შესახებ. მურტომ ეს ვარიანტი "ატალანტას" წარმომადგენლებთან განიხილა.

ასევე ვრცელდება ინფორმაცია, რომ ჟოზე მოურინიო, რომელიც ახლა "რომას" ხელმძღვანელობს, გრინვუდის იჯარით არ არის დაინტერესებული.

შეგახსენებთ, რომ ინგლისელი ფეხბურთელი 2022 წელს დააკავეს გაუპატიურების მცდელობისთვის. თუმცა, გამოძიების შემდეგ დადგინდა, რომ მეისონი უდანაშაულოა და შესაბამისად 2023 წლის თებერვალში ბრალდება მოეხსნა. გრინვუდს "წითელ ეშმაკებთან" კონტრაქტი 2025 წელს ეწურება.