ფაბრიციო რომანო იტყობინება, რომ "მანჩესტერ იუნაიტედის" ჰოლანდიელ ნახევარმცველ დონი ვან დე ბეკს მიმდინარე სატრანსფერო ფანჯარაზე კლუბის დატოვება სურს.

ჟურნალისტის ცნობით, დონი მზადაა განიხილოს სხვა კლუბების შემოთავაზებები, რათა შექმნილი სიტუაციიდან გამოსავალი იპოვოს. 26 წლის ფეხბურთელს უყვარს "იუნაიტედი" და ბრწყინვალე ურთიერთობა აქვს გუნდის მთავარ მწვრთნელ ერიკ ტენ ჰაგთან, თუმცა მას თამაში სურს.

დონი ვან დე ბეკი ამჟამად ტრავმირებულია, თუმცა მისი გამოჯანმრთელების პროცესი სწრაფად მიმდინარეობს. იგი ხელმისაწვდომი იქნება პრე სეზონზე. ჰოლანდიელ ფეხბურთელს მიმდინარე სეზონი თითქმის მთლიანად გაუცდა. ამა წლის 3 იანვარს "ბორმუთთან" მატჩში მან მუხლის ტრავმა მიიღო და მას შემდეგ აღარ უთამაშია.

შეგახსენებთ, რომ დონი ვან დე ბეკი "იუნაიტედის" რიგებს ამსტერდამის "აიაქსიდან" 2020 წელს 40 მილიონად შუერთდა. ხშირმა ტრავმებმა მას საშუალება არ მისცა გუნდის ძირითადში ადგილი დაემკვიდრებინა. ამ დროის განმავლობაში დონის ანგარიშზე "მანჩესტერის" მაისურით ჩატარებული 61 მატჩი და 3 გატანილი გოლია.