„მანჩესტერ იუნაიტედის“ და „რეალის“ ლეგენდარული ფეხბურთელები 2 ივნისს, „ოლდ ტრაფორდზე“ მორიგ საქველმოქმედო მატჩს გამართავენ. „ოცნების თეატრში“ გულშემატკივრები მათთვის არაერთ საყვარელ სახეებს იხილავენ.
კონცერტის შემდეგ, რომელიც სტადიონზე გაიმართება (დეტალები მოგვიანებით გახდება ცნობილი), პროექთ Red Heart United-ის ლეგენდები გამოვლენ მოედანზე. მათ შორის იქნებიან დუაით იორკი, ენდი კოული, დენის ირვინი და სხვები. „რეალიდან“ - ამარო, სანჩისი, ბუტრეგუნო. მატჩში მონაწილე დარჩენილი ვარსკვლავების სახელები მომდევნო თვეებში გახდება ცნობილი.
მანჩესტერელი და მადრიდელი ლეგენდები ერთმანეთს უკვე დაუპირისპირდნენ გასული წლის ზაფხულში „სანტიაგო ბერნაბეუზე“, სადაც მასპინძლებმა ანგარიშით 3-2 იმარჯვეს. გუნდის მწვრთნელი ბრაიან რობსონი იმედოვნებს, რომ გაძლიერებული შემადგენლობით „წითლები“ „ოლდ ტრაფორდზე“ გაცილებით უკეთ ითამაშებენ და უფრო დიდ სანახაობას შესთავაზებენ გულშემატკივარს.
“გასული წლის მატჩი ფანტასტიური გამოდგა, იმ დღემ „რეალის“ ფონდს დიდი თანხა მოაპოვებინა. ვგეგმავთ, რომ ანალოგიური გავაკეთოთ წელს ჩვენი ფონდისთვისაც.
ბიჭებმა ვარჯიში უკვე დაიწყეს. წელს რამდენიმე ახალ სახეს წარმოგიდგენთ. ეს დღე, ჩვენი დიდი ოჯახისთვის მართლაც საოცარი სიხარულის მომტანი იქნება.“ - განაცხადა რობსონმა.

Red Heart United არის განსაკუთრებული პროექტი, რომელშიც რამოდენიმე ღონისძიებაა გაერთიანებული, მათ შორის „რეალისა“ და „მანჩესტერის“ ლეგენდების დაპირისპირება. ღონისძიების ჩატარება 2 ივნისს, „ოლდ ტრაფორდზეა“ დაგეგმილი. კლუბის მოქმედი აღმასრულებელი დირექტორი დევიდ გილი იმედოვნებს, რომ ამჯერად, „წითლები“ მადრიდელებს სძლევენ და მათთან ერთად, მაყურებელიც მორიგ დიდ სანახაობას იხილავს.
“წინა წელს, „ბერნაბეუზე“ 60 000 გულშემატკივრის თანდასწრებით 3-2 დავმარცხდით. ამჯერად, დამარცხებას არ ვაპირებთ. ვარჯიში ნაადრევად დავიწყეთ და წარმატებასთან ერთად, ვიმედოვნებთ, რომ „ოლდ ტრაფორდზე“ მორიგ დიდ სანახაობას ვიხილავთ.
ბრაიანმა მატჩისთვის რამდენიმე ახალი სახე წარმოგვიდგინა. მათ სახელებს რა თქმა უნდა, მომდევნო თვეების განმავლობაში გამოვაცხადებთ.
ჩვენი ამ დღეს ჩვენი დიდი ოჯახისთვის ვგეგმავთ. გვინდა, რომ ორი შესანიშნავი ევროპული კულტურა და გუნდები ერთად გამოვიდნენ მოედანზე.
პროექტ Red Heart United-ში შედის სადღესასწაულო ვახშამი, კონცერტი, Santa Run. ვიმედოვნებთ, რომ ეს დღე გაზრდის ჩვენი საქველმოქმედო ფონდის შესაძლებლობებს, რითაც ბევრ ბავშვს დავეხმარებით.“ - დაასრულა გილმა.
შეგახსენებთ, რომ 2 ივნისს გასამართ მატჩში ფერგიუსონის თქმით, მონაწილეობას მსოფლიოში ყველაზე სწრაფი ადამიანი - უსაინ ბოლტიც მიიღებს.



წყარო: manutd.com