კრიშტიანუ რონალდუმ მორიგი საგულისხმო ინფორმაცია გაავრცელა, თქვა რა სატელევიზიო შოუში, რომ "მანჩესტერ იუნაიტედის" ამერიკელ მფლობელებს კლუბი საერთოდ არ ანაღვლებთ.

მისი თქმით, "იუნაიტედში" დაბრუნების შემდეგ მას არასდროს შეხვედრიან გლეიზერთა ოჯახის წევრები, მიუხედავად მისი ვარსკვლავური სტატუსისა.

რონალდუსვე მტკიცებით, გლეიზერები "იუნაიტედში" მარკეტინგულ ინტერესებს უფრო ხედავენ, ვიდრე საფეხბურთოს და ამით საკუთარ ჯიბეს ისქელებენ.

პირს მორგანთან სატელევიზიო ინტერვიუს მსვლელობისას პორტუგალიელმა განაცხადა: "კლუბის მფლობელებს, მათ, მისმინე, მათ არ...

პირსი: "გლეიზერებს?"

რონალდუ: "გლეიზრებს. მათ არა აღელვებთ კლუბი, როგორც პროფესიონალური სპორტის ნაწილი.

როგორც უკვე იცით, "მანჩესტერი" მარკეტინგული კლუბია. ისინი ფულს მარკეტინგიდან შოულობენ. სპორტი, ეს... ეს მათ საერთოდ არ აღელვებთ, ჩემი აზრით."

ჰკითხეს: "ოდესმე გილაპარაკიათ გლეიზერებთან?", რონალდუმ კი უპასუხა: "არასოდეს. არა. მათ მთელი ძალაუფლება პრეზიდენსა და სპორტულ დირექტორს გადასცეს".

წყარო: The Sun