"მანჩესტერ იუნაიტედის" ყოფილმა ფეხბურთელმა ნემანია მატიჩმა მხარი დაუჭირა ინგლისური გრანდის ცენტრალურ მცველს ჰარი მაგუაიერს, რომელსაც გულშემატკივრები უმოწყალოდ აკრიტიკებენ.

"ის რასაც ხალხი ჰარი მაგუაირს უკეთებს, კატასტროფაა. ყველაფერს უნდა ჰქონდეს საზღვარი.

ადამიანებს, რომლებიც სოციალურ ქსელებში ცუდ რაღაცეებს ​​წერენ მის მიმართ, არ აქვთ საკუთარი ცხოვრება და დაკავებული არიან სხვისი ცხოვრებით.

ასე რომ, ბუნებრივია მათ მხოლოდ სურთ სხვაზე ილაპარაკონ ცუდად", - ციტირებს The Times მატიჩის სიტყვებს.

შეგახსენებთ, რომ ცოტა ხნის წინ ჰარი მაგუაირმა "მანჩესტერ იუნაიტედის" ძირითად თერთმეტეულში ადგილი საბოლოოდ დაკარგა.

რაც შეეხება ნემანიას, ფეხბურთელმა ზაფხულის სატრანსფერო ფანჯარაზე "მანჩესტერ იუნაიტედი" დატოვა და იტალიურ "რომა"- ში გადაბარგდა.