ტურინის "იუვენტუსის" ფრანგი ნახევარმცველი ადრიენ რაბიო კარიერას "ნისლიან ალბიონზე" გააგრძელებს.

The Guardian-ის მიერ გავრცელებული ცნობით, "წითელი ეშმაკები" "ბებერ სინიორას" 15 მილიონ ფუნტ-სტერლინგს გადაუხდიან (დაახლოებით 17,8 მილიონი ევრო).

ამ დროისთვის რაბიო "მანკუნიანელებთან" პირადი კონტრაქტის პირობებზე მოლაპარაკებებს აწარმოებს. ეს პროცესი მხოლოდ საწყის ეტაპზეა.

აღსანიშნავია, რომ ერთ დროს ფრანგი "მანჩესტერ სიტის აკადემიაში სწავლობდა.შემდგომ ამისა მოთამაშემ კარიერა "პსჟ"-ში, "ტულუზასა" და ტურინის "იუვენტუსში" გააგრძელა.

27 წლის ფეხბურთელმა იტალიურ გრანდში 129 მატჩი ჩაატარა. ნახევარმცველს ექვსი გოლი და ამდენივე საგოლე გადაცემა აქვს პირად აქტივში დაფიქსირებული ტურინელთა რიგებში.