კატალონიის „ბარსელონას“ კაპიტანი ხავი ერნანდესი „რეალის“ წინააღმდეგ, თურქი მსაჯის მიერ ლუის ნანის მოედნიდან გაძევების ფაქტს გამოეხმაურა.
ესპანელმა ფეხბურთელმა Mundo Deportivo-ს განუცხადა: „ნანი ბურთისკენ მიდიოდა, ამ სიტუაციაში მსაჯი ზედმეტად მკაცრი გამოდგა. მისმა გადაწყვეტილებამ თამაში შეცვალა, წითელი ბარათი ყველაზე საშინელი გამოსავალი იყო. ევროპაში ამ ორ დიდ გუნდს შორის ძალიან მცირე განსხვავებაა, ამიტომ მისმა მოედნიდან გაძევებამ მატჩში დიდი გარდატეხა შეიტანა.
ასეთ შემთხვევებზე ყოველთვის ვამბობ, რომ მსაჯი მოთამაშეს უნდა დააკვირდეს. ნანი ბურთს უყურებდა და არა მცველს. ჩაქირიმ უხეში გადაწყვეტილება მიიღო.“

მსგავსი შემთხვევით ისარგებლა „ბარსელონამ“ 2 წლის წინ „ელ კლასიკოში,“ როცა მადრიდელი მცველი პეპე დანი ალვეშთან უხეშობის გამო გააგდეს.
“არ მგონია, რომ ეს იგივე შემთხვევა იყოს, რადგან პეპემ განზრახ იუხეშა. ის მთელი ამ ინციდენტის მომენტში დანის ხედავდა, განსხვავებით ნანისგან. ლუისმა ბურთი დაინახა და მისი დამორჩილება სცადა. ის არ „იცავდა“, ის „თამაშობდა“. ეს ორი შემთხვევა ერთმანეთისგან სრულიად განსხვავებულია.“- დაასრულა ხავიმ.

მოგვიანებით ესპანურმა გაზეთმა AS-მა გაავრცელა ინტერვიუ, სადაც ჩაქირი თავის გადაწყვეტილებას არ ნანობს. ფაქტი უარყო თურქეთის ფეხბურთის ფედერაციამ და გაავრცელა მისი ოფიციალური განცხადება.
“თავს შესანიშნავად ვგრძნობ, ჩემს გადაწყვეტილებებს არ ვნანობ. წითელი ბარათი ნანისთვის სამართლიანი იყო. დრო გავა და მსოფლიო ამას მიხვდება.“
ჩაქირმა ბოლო წლების განმავლობაში არაერთი ინგლისური კლუბის ფეხბურთელი გააძევა მოედნიდან - ჯონ ტერი ჩემპიონთა ლიგის ნახევარ-ფინალში „ბარსელონასთან“, ბალოტელი ევროპის ლიგაზე კიევის „დინამოსთან“, სტივენ ჯერარდი მსოფლიო ჩემპიონატზე უკრაინასთან და გარი კეჰილი მსოფლიოს საკლუბო ჩემპიონატზე.
“წინა შემთხვევებში არცერთი ინგლისური კლუბის ფეხბურთელისთვის უსამართლო გადაწყვეტილება არ მიმიღია. რომელი გადაწყვეტილება იყო არასწორი? წითელი ბარათი ტერისთვის? თუ ბალოტელისთვის? არ ვფიქრობ, რომ ამ მომენტებში შეცდომა დავუშვი.
ამჯერადაც, ამ ფაქტს აქ დავუმწუხრებივარ. ამაზე საერთოდ არ ვფიქრობ. დანარჩენ შემთხვევებში უფრო დიდი კრიტიკა მიმიღია, მაგრამ ყოველთვის ვუძლებდი. შემიძლია ეს კიდევ ერთხელ გავაკეთო.“ - დაასრულა ჩაქირმა.

ინფორმაციის წყარო: dailymail.co.uk